ڈی آئی خان :بہن کے قتل کا بدلہ، مقتولہ کےبھائی نے بہن کی ساس، سسر اور نند کو قتل کردیا

ڈی آئی خان ,باغی ٹی وی (نامہ نگاراحمدنوازمغل)بہن کے قتل کا بدلہ، مقتولہ کےبھائی نے بہن کی ساس، سسر اور نند کو قتل کردیا،ڈیرہ اسماعیل خان کے علاقے رحمانی خیل میں خواتین سمیت ایک ہی گھر کے 4 افراد کو قتل کردیا گیا۔

پولیس کے مطابق تھانہ پنیالہ کی حدود رحمانی خیل میں خاوند نے اپنے گھر میں بے دردی سے اپنی بیوی کو قتل کیا۔جس کے بعد مقتولہ خاتون کے بھائی نے اپنے بہنوئی کے گھر آکر گھر میں موجود بہن کی ساس، سسر اور ایک نند کو قتل کر ڈالا۔

پولیس کا کہنا ہے کہ شوہر کے ہاتھوں قتل ہونے والی خاتون حاملہ تھی۔پولیس کا کہنا ہے کہ بیوی کو قتل کرنے والا طوفان نامی شخص مختلف واقعات میں مفرور ہے۔

ڈی ایس پی کاشف ستار کے مطابق پولیس موقعہ پر پہنچ گئی ہے اور لاشوں کو پوسٹمارٹم کے لیے اسپتال منتقل کردیا گیا ہے، جس کے بعد ایف آئی آر کا اندراج کیا جائے گا۔

ملزمان کی گرفتاری کے حوالے سے پولیس نے مختلف مقامات پر ناکہ بندی کردی ہے اور ملزمان کی تلاش شروع کردی گئی ہے۔