ڈیرہ اسماعیل خان :طلباء کی بہترین تعلیم وتربیت ہماری اولین ترجیحات میں شامل ہے – ڈاکٹر شکیب اللہ

ڈیرہ اسماعیل خان،باغی ٹی وی (نامہ نگار)وائس چانسلر زرعی یونیورسٹی ڈاکٹر شکیب اللہ کی زیرصدارت مختلف ڈیپارٹمنٹ کے سربراہان کااجلاس منعقد، وائس چانسلر زرعی یونیورسٹی ڈاکٹرشکیب اللہ نے اجلاس سے خطاب کرتے ہوئے کہاکہ طلباء کی بہترین تعلیم وتربیت ہماری اولین ترجیحات میں شامل ہے ۔انہوں نے کہاکہ طلباء کی صلاحیتوں کواجاگرکرنے کیلئے ہم سب مل کرکوششیں کرنی ہیں۔ انہوں نے کہاکہ زرعی یونیورسٹی میں نئے پروگرام شروع کریں گے تاکہ طلباء کی قابلیت میں اضافہ ہو۔انہوں نے کہاکہ معاشرے میں استاداورطالبعلم کا رشتہ انتہائی گہراہوتاہے اورہم سب نے اس رشتے کومزیدمضبوط بناناہے اور پیارمحبت کی فضاء قائم رکھنی ہے ۔وائس چانسلر زرعی یونیورسٹی ڈاکٹرشکیب اللہ نے ایچ اوڈیزسے خطا ب کرتے ہوئے کہاکہ ہم سب کو زرعی یونیورسٹی کامفادعزیز رکھناچاہیے اوراس کی فلاح وبہبود اورطلباء کی بہترین تعلیم وتربیت پر خصوصی توجہ دینی چاہیے ۔تمام ایچ اوڈیز نے وائس چانسلر ڈاکٹرشکیب اللہ کی ہدایات سے اتفاق کرتے ہوئے زرعی یونیورسٹی کو مثالی یونیورسٹی بنانے کاعزم کیا ۔اجلاس میںرجسٹرار عبدالباسط ،ایڈیشنل رجسٹرارفخر الدین اورڈائریکٹرایڈمنسٹریشن فرجاد سدوزئی بھی موجودتھے ۔