لنڈی کوتل(باغی ٹی وی رپورٹ)ضلع کرم کے سب ڈویژن لوئرکرم کے علاقے بگن میں 22 نومبر 2024 کو پیش آنے والے المناک سانحے نے کئی خاندانوں کو بے گھر اور بے سہارا کردیا۔ ان متاثرین میں ایک معذور شخص سیف اللہ بھی شامل ہیں، جو اپنی دونوں ٹانگوں سے معذور ہیں اور ہاتھوں کے بل یا ریڑھی کی مدد سے چلتے ہیں۔
اس حادثے میں سیف اللہ کا آبائی گھر، جو ان کے اجداد کے زمانے سے آباد تھا، مکمل طور پر خاکستر ہوگیا۔ سیف اللہ اپنی بیوی اور بچوں کو بمشکل محفوظ مقام تک لے جانے میں کامیاب ہوئے لیکن ان کا سب کچھ ختم ہوگیا۔
اب سیف اللہ اپنے بیوی بچوں سمیت راولپنڈی منتقل ہوچکے ہیں، جہاں وہ انتہائی بے بسی اور کسمپرسی کی حالت میں زندگی گزار رہے ہیں۔ نہ ان کے پاس کرایہ ادا کرنے کے پیسے ہیں، نہ کھانے پینے کا انتظام اور نہ ہی سردی سے بچنے کے لیے گرم کپڑے اور لحاف۔
میڈیا اور دیگر ذرائع کے ذریعے مخیر حضرات سے درخواست کی گئی ہے کہ وہ اس معذور شخص کی مدد کے لیے آگے آئیں۔ سیف اللہ آپ کے تعاون کے منتظر ہیں تاکہ وہ اپنے خاندان کے لیے زندگی کی بنیادی ضروریات کا انتظام کرسکیں۔
مدد کے لیے رابطہ کریں:
سیف اللہ، ساکن بگن لوئرکرم، حال راولپنڈی
ذاتی نمبر رابطہ نمبر: 03004643016
اللہ تعالیٰ ہم سب کو ایسے امتحانات سے محفوظ رکھے۔
