پیرمحل باغی ٹی وی (وقاص شریف نامہ نگار ) قومی رضا کار نوکری سے فارغ ، گھروں میں چولہے ٹھنڈے گئے اور فاقوں پر مجبور.
تفصیلات کے مطابق: قومی رضاکاروں کو نوکری سے فارغ کیے جانے کے بعد گھروں کے چولہے ٹھنڈے ہونے سے فاقہ کشی پر مجبور ہو کر رہ گئے ہیں ۔ محکمہ پولیس کی جانب سے قومی رضاکاروں کو فارغ کیے جانے کے بعد بے یارومددگار چھوڑ دینے سے غریب رضاکاروں کو زندگی گزارنا انتہائی دشوار ہو کر رہ گیا ہے ۔ قومی رضاکار محکمہ پولیس میں پولیس جوانوں کے شانہ بشانہ کھڑے ہوتے اور دن رات ڈیوٹی سر انجام دیتے تھے ۔ جن کو محکمہ پولیس کی جانب سے فارغ کیے جانے کے بعد فاقہ کشی پر مجبور ہو گئے ہیں ۔ رضاکاروں کا زندگی کا ایک حصہ نوکری میں گزر چکا ہے جس کی وجہ سے کوئی دوسرا کام نہ ہونے کی وجہ سے مہنگائی کے اس دور میں گزر بسر کرنا دشوار ہو کر رہ گیا ہے ۔ قومی رضا کاروں کا کہنا ہے کہ حکومت 6 دسمبر رضاکاروں کے عالمی دن کے موقع پر قومی رضاکاروں کو نوکری پر بحال کرے ۔ تاکہ ان کے روز و شب بھی بہتر طریقے سے گزر سکیں ۔ عوامی سماجی حلقوں کا وزیر اعلی پرویز الہی سے قومی رضاکاروں کی فوری بحالی کا مطالبہ کیا ہے
Shares:
