لندن میں حسن نواز کے دفترکے باہر بدنظمی، پولیس طلب

لندن:لندن میں مسلم لیگ ن کے قائد نواز شریف کے صاحبزادے حسن نواز کے دفتر کے باہر بدنظمی کا واقعہ پیش آیاہے,پولیس کے مطابق عوام بہت مشتعل دکھائی دیئے اور انہوں نے سابق وزیراعظم پرکرپٹ ہونے کیے الزامات بھی لگائے

اطلاعات ہیں کہ مریم نواز کی برطانیہ آمد پر احتجاج کے لیے آئے پی ٹی آئی کے حامیوں نے جنید صفدر کو روک لیا۔

جنید صفدر اورپی ٹی آئی حامیوں کی بات چیت کےدوران نواز شریف کی سکیورٹی والے بھی پہنچ گئے، سکیورٹی گارڈز نے پی ٹی آئی سپورٹرکو جنید سے دور کرنےکی کوشش کی۔ واقعہ پر پولیس بھی طلب کرلی گئی، احتجاج کرنے والے بدستور حسن نواز کے دفتر کے باہر موجود ہیں۔

یاد رہے کہ چند دن پہلے بھی لندن میں کچھ ایسے مظآہرے دیکھنے کو ملے جب لندن میں نواز شریف کی رہائش گاہ ایون فیلڈ کے باہر پی ٹی آئی کے حامیوں نے احتجاج کیا۔

مظاہرین نے نواز شریف اور مریم نواز کیخلاف نعرے لگائے، شرکا کی طرف سے امپورٹڈ حکومت نامنظور، این آر او ٹو نامنظور کے نعرے بھی لگائے گئے۔احتجاج کے شرکاء کا سوال تھا کہ جس وقت ملک سیلاب میں ڈوبا ہے مریم نواز لندن میں کیا کر رہی ہیں۔