لاہور: ایس ایس پی انویسٹی گیشن محمد نوید کی زیر صدارت پولیس لائنز قلعہ گجر سنگھ میں میٹنگ ہوئی،کرائم میٹنگ میں ڈویژنل ایس پیز، سرکل ڈی ایس پیز اور تمام تھانوں کے انچارج انویسٹی گیشنز نے شرکت کی-
باغی ٹی وی :محمد نوید نے پینڈنگ اور زیر التواء مقدمات کی پراگرس کا تفصیلی جائزہ لیا،ڈویژنل اور سرکل افسران کو زیر تفتیش مقدمات کو جلد از جلد نمٹانے کی سخت ہدایات کیں،عدم دلچسپی اور کارکردگی بہتر نہ بنانے پر متعدد ڈی ایس پیز کو وضاحتی لیٹر جاری کیا گیا-
ایس ایس پی انویسٹی گیشن نے ہدایت کی کہ بیرون ملک فرار اشتہاری ملزمان کی انٹرپول کے ذریعے گرفتاری یقینی بنائی جائے گی، ڈویژنل اور سرکل افسران ریکارڈ کی بروقت تکمیل کو ہر صورت یقینی بنائیں، خواتین اور بچوں سے متعلقہ مقدمات کو برق رفتاری سے نمٹایا جائے-
ایس ایس پی انویسٹی گیشن نےافسران کو سنگین نوعیت کے واقعات پر موقع پر پہنچنے اور اپنی نگرانی میں شواہد اکٹھے کروانے کی ہدایت کی،ایس ایس پی انویسٹی گیشن کی افسران کو فنانشل کرائم کے مقدمات کے چالان جلد از جلد عدالتوں میں جمع کروانے کی ہدایات کیں کہا کہ خواتین سے زیادتی، ظلم و تشدد اور ہراسگی کے مقدمات کی تفتیش میں کوتاہی برداشت نہیں ہو گی-
محمد نوید نے افسران کو سوشل کرائمز کی روک تھام کے لئے مناسب اقدامات کی ہدایات کیں،کہا کہ شواہد کی روشنی میں مضبوط چالان مرتب کر کے گنہگاروں کو سخت سزائیں دلوائیں، کرپشن، اختیارات سے تجاوز اور میرٹ پر سمجھوتا کسی صورت برداشت نہیں کیا جائے گا، شہریوں کے مسائل کے حل کے لیے میرے دفتر کے دروازے ہر وقت کھلے ہیں-
