میہڑ : مطلقہ خاتون نے سابق شوہر کو ہتھوڑے مارکرقتل کردیا

میہڑ،باغی ٹی وی (نامہ نگارمنظورعلی جوئیہ)میہڑ کے علاقے سلطان بھٹی روڈ پر ایک دل دہلا دینے والا وقعہ رونماہوا ہے جس میں ایک طلاق یافتہ خاتون نے اپنے سابق شوہر کو قتل کر دیا ہے۔

تفصیلات کے مطابق شبانہ ڈیپر نامی ایک مطلقہ خاتون نے 4 دن قبل اپنے سابق شوہر زاہد ڈھر کو اپنے گھر بلایا۔شبانہ نے اپنے موجودہ شوہر جنید ڈیپر کے ساتھ مل کر زاہد پر ہتھوڑے سے حملہ کر دیا اور اسے شدید زخمی کر دیا۔

زاہد کو تشویشناک حالت میں لاڑکانہ ہسپتال منتقل کیا گیا تھا لیکن وہ زخموں کی تاب نہ لاتے ہوئے جاں بحق ہو گیا۔مقتول کی لاش کو پوسٹ مارٹم کے لیے میہڑ تحصیل ہسپتال منتقل کیا گیا اور قانونی کارروائی کے بعد ورثا کے حوالے کر دی گئی۔

میہڑ پولیس نے اس واقعے کی مزید تحقیقات شروع کر دی ہیں۔