عاشقان مصطفی کو دنیاکی کوئی طاقت ڈرانہیں سکتی،شکیل قاسمی

فقیر شکیل قاسمی نے کہا ہے کہ پاکستان ہمارے آباؤاجداد نے بنایاتھا اسی لئے پاکستان کی حفاظت کا فریضہ انجام دیتے آئے ہیں اور دیتے رہیں گے.

باغٰی ٹی وی کے مطابق جمعیت علمائے پاکستان کراچی کے جنرل سیکریٹری ملک محمدشکیل قاسمی نے گلبہار میں 72سالوں سے نکلنے والے مرکزی انجمن سیرت النبی ﷺ کے جلوس عیدمیلادالنبی ﷺ سے خطاب کرتے ہوئے کہاہے کہ تاریخی جشن عید میلادالنبی ﷺ اس بات کا ثبوت ہے کہ عاشقان مصطفی ﷺ کو دنیاکی کوئی طاقت ڈرانہیں سکتی، بم دھماکے کرنے والے بھول گئے ہم تحریک آزادی کے بیس لاکھ شہداء کے وارث ہیں،پاکستان ہمارے آباؤاجداد نے بنایاتھا اسی لئے پاکستان کی حفاظت کا فریضہ انجام دیتے آئے ہیں اور دیتے رہیں گے۔ شہر بندکرنا، ٹرانسپورٹ اور املاک کو نذرآتش کرناہرکوئی جانتاہے لیکن ہمارے اکابرین وقائدین نے کبھی اس کی تعلیم نہیں دی،بلکہ ہمیشہ امن وآشتی اور وطن سے محبت کا درس دیتے آئے ہیں اور اسی امن پسندی کو شاید ہماری کمزوری سمجھاجارہاہے،78سالوں سے مختلف ہتھکنڈوں کے ذریعے نظام مصطفی ﷺ کا راستہ روکا جارہاہے،دنیاسن لے پاکستان میں نظام مصطفیﷺ نافذ کرکے دم لیں گے، سازشی عناصر اہلسنّت وجماعت کے اتحاد میں مسلسل روڑے اٹکا کر اپنے آقاؤں کی غلامی کا حق اداکررہے ہیں، ہر سازش کو ناکام بنائیں گے.

پولیس اہلکار کی نشے میں دھت ہوکر خاتون پر تشدد کی وڈیو وائرل

گلبہار میں جشن عید میلادالنبی ﷺ شایان شان طریقے سے منانے والے قدیمی ادارے مرکزی انجمن سیرت النبی ﷺ گلبہار رجسٹرڈ (قائم شدہ1952ء)کا72واں سالانہ جلوس عیدمیلاد النبی ﷺ جامع مسجد فاروقی سے تاحیات چیئرمین محمدسلیم خاں قادری ترابی کے زیرقیادت اور نائب صدر ارشدمحفوظ قادری،جنرل سیکریٹری راؤ فرید عالم کی نگرانی میں نکالاگیا،جس میں ڈائریکٹر جنرل کے ڈی اے سید شجاعت حسین،جمعیت علمائے پاکستان کراچی کے جنرل سیکریٹری ملک محمدشکیل قاسمی،پیر سید خالد حسن رضوی،پاکستان اسلامک فورم کے رہنماناصرحسین خاں،معروف بلڈرمحمدفرحان خان،بزم غلامان مصطفےٰ ﷺ ٹرسٹ کے صدر صاحبزادہ محمدصادق قریشی،جنرل سیکریٹری شیخ عمران فیاض قادری،فرحان اخترالقادری،ق لیگ لائرز فورم کے عادل خاں زئی ایڈوکیٹ،مذہبی رہنماآصف رضا قادری، علامہ فضل اخترالقادری، حاجی انصاربیگ قادری، جمیل عباس نورانی، ایس ایس پی ٹریفک سینٹرل غلام رسول سیال ودیگر افسران سمیت سماجی اور مذہبی تنظیموں کے رہنماؤں واراکین،شمع رسالت کے پروانوں اور عاشقان مصطفےٰﷺ نے بڑی تعداد میں شرکت کی۔ اہلسنّت حنفی بریلوی مساجد کی انتظامی کمیٹیوں کے اکابرین اور میلادشریف کا اہتمام کرنے والی نمائندہ تنظیمات وشخصیات پر مشتمل مرکزی میلادالائنس پاکستان کے بانی وچیف آرگنائزر،مرکزی انجمن سیرت النبی ﷺ گلبہار رجسٹرڈ کے تاحیات چیئرمین اور ممتازقومی وسماجی رہنمامحمدسلیم خاں قادری ترابی نے اپنے خطاب میں جشن عید میلادالنبی ﷺ شایان شان منانے، حکومتی عدم توجہی اور جلوس میلاد النبی ﷺ میں خودکش بم دھماکے اور شہادتوں کے باوجود صبر وتحمل،برداشت اور درگزر کا رویہ قائم رکھنے پر علمائے کرام، مشائخ عظام، صوفیائے کرام،مذہبی تنظیموں کے اکابرین، قائدین اہلسنّت حنفی بریلوی،کارکنان اہلسنّت حنفی بریلوی اور عوام اہلسنّت حنفی بریلوی کو دلی مبارکباد پیش کرتے ہوئے کہاکہ حکومتی ادارے ہمارے ساتھ کتناہی ظلم وزیادتی کا رویہ اپنائیں،حقوق سلب کرنے کی پالیسی پر عمل پیرارہیں،حضورنبی کریم حضرت محمدمصطفےٰ ﷺ کامیلاد اپنی پوری آب وتاب،شان وشوکت اور جوش وجذبے سے مناتے رہیں گے۔محمدسلیم خاں قادری ترابی نے کہاکہ بلدیاتی امور کے ذمہ داران،سول انتظامیہ سے وابستہ ٹھیکیداروں اور Kالیکٹرک کے ڈاکوؤں نے ہمارے ساتھ ہر قسم کاتعاون کرنے کی یقین دہانی کروائی تھی،مگر یہ سب کچھ جھوٹ،فریب،مکاری اور دغابازی کے زمرے میں آتاہے، کیونکہ شہربھر میں گٹرابلتے رہے،کچرے کے ڈھیر راستوں پر پڑے رہے، سڑکیں ٹوٹی اور پھوٹی ہی رہیں، Kالیکٹرک نے لوڈشیڈنگ پر ڈھٹائی کا رویہ برقراررکھا۔ انہوں نے کہاکہ یہ سب کچھ عوام اہلسنّت حنفی بریلوی کے ساتھ ہی ہوتاہے کیونکہ ہم صبر وتحمل، برداشت اور درگزر ہی اللہ تعالیٰ کی بارگاہ میں پیش کرتے ہیں،لیکن یادرکھنے کی بات یہ ہے کہ حکومتی مشینری یہودوہنود کے ٹکڑے پر پل رہی ہے،یہ عوام اہلسنّت حنفی بریلوی کو کچھ دینے کے لئے تیارنہیں ہے،بہرحال ہم صرف اللہ اور اس کے رسول ﷺ کی مددمانگتے ہیں اور وہیں اپنی فریاد پیش کرتے ہیں۔