دو شادیاں کرنیوالے پولیس اہلکار کے قاتل کون ؟ تہلکہ خیز انکشاف

دو شادیاں کرنیوالے پولیس اہلکار کے قاتل کون ؟ تہلکہ خیز انکشاف
باغی ٹی وی کی رپورٹ کے مطابق انویسٹی گیشن پولیس ماڈل ٹاؤن ڈویژن نے پولیس کانسٹیبل کے قتل کا ڈراپ سین کر لیا

ڈی آئی جی انویسٹی گیشن لاہور شارق جمال خان کے نوٹس پر کانسٹیبل کے قاتل گرفتار کرلئے گئے،ایس پی انویسٹی گیشن ماڈل ٹاؤن ذوہیب نصراللہ رانجھا کے مطابق 45 سال کے کانسٹیبل عبدالقیوم کو قتل کرنے والے دونوں بیٹوں کو گرفتارکر لیا گیا، ملزم حمزہ اور اسد نے گھریلو ناچاکی پر اپنے والد کے سر میں ڈنڈے مار کر قتل کر دیا تھا،مقتول کانسٹیبل نے دو شادیاں کر رکھی تھیں اور دونوں ملزمان اس کی پہلی بیوی کے بطن سے ہیں،کانسٹیبل عبدالقیوم جوڈیشل ونگ پولیس لائنز میں تعینات تھا،

ملزمان قتل کی واردات کے بعد اپنے والد کے قاتلوں کی گرفتاری کیلئے پولیس پر دباؤ ڈالتے رہے،انچارج انویسٹی گیشن کاہنہ عبدالحبیب نے اپنی ٹیم کے ہمراہ ملزمان بیٹوں کو گرفتار کیا گرفتارملزمان نے اعتراف جرم کر لیا ہے،ڈی آئی جی انویسٹی گیشن شارق جمال خان کا کہنا ہے کہ گرفتار ملزمان کو کیفر کردار تک پہنچایا جائے گا،سی سی پی او لاہور کی طرف سے ملزمان کی گرفتاری پر پولیس ٹیم کو شاباش دی گئی