ڈاکٹر پر قاتلانہ حملہ ،ینگ ڈاکٹرز ایسوسی ایشن کی تنبیہہ
![](https://baaghitv.com/wp-content/uploads/2024/08/Screenshot_20240822-0836372-720x613.png)
قصور
گزشتہ دن ڈاکٹر پر قاتلانہ حملہ پر ینگ ڈاکٹرز ایسوسی ایشن قصور کی تشویش،وقوعہ پر ایف آئی آر درج کرکے جلد ملزمان کی گرفتاری کا مطالبہ،بصورت دیگر احتجاج کیا جائے گا
تفصیلات کے مطابق کل بروز بدھ مورخہ 21 اگست صبح کے وقت بلھے شاہ ہسپتال کے ڈاکٹر عدیل پر دو موٹر سائیکل سواروں نے اس وقت فائرنگ کردی جب وہ ڈیوٹی کے لئے ہسپتال آ رہے تھے وقوعہ تھانہ صدر قصور کے علاقے میں پیش آیا جو کہ مین شاہراہ اور پر رونق علاقہ ہے
گاڑی پر پے درپے کئی فائر کئے گئے جو گاڑی کو متعدد جگہ پر لگیں تاہم ڈاکٹر معجزانہ طور پر قاتلانہ حملے میں بچ گیا
ینگ ڈاکٹرز ایسوسی ایشن قصور نے او وقوعہ کی سخت مذمت کی ہے اور ان کا کہنا ہے کہ قصور شہر میں لاقانونیت، اور غنڈہ گردی کا جو عالم ہے وہ سی سی ٹی وی فوٹیج میں دیکھا جا سکتا ہے کہ کسطرح دن دیہاڑے شہر کی شاہراہوں پر اسلحہ لئے کرائے کے قاتل گھوم رہے ہیں جن کو کوئی پوچھنے والا نہیں یہ قصور پولیس، ضلعی انتظامیہ اور قانون نافذ کرنے والے اداروں کی کارکردگی پر سوالیہ نشان ہے
ینگ ڈاکٹرز ایسوسی ایشن قصور نے واقعہ پر سخت تشویش کا اظہار کیا اور ڈی پی او قصور سے ایف آئی آر درج کرکے ملزمان کی فوری گرفتاری کا مطالبہ کیا اور خبردار کیا ہے کہ بصورت دیگر انتہائی سخت ردعمل دینے اور احتجاج پر مجبور ہونا پڑے گا