12 جون کو عمران خان کے قوم سے ایک اور خطاب میں، خان کے بے ترتیب خیالات کا خلاصہ یہ تھا کہ کوئی بھی ان سے "بات نہیں” کر رہا ہے {یعنی آرمی چیف }۔ سوال یہ ہے کہ؛ کیا ان کے پاس میز پر رکھنے کے لیے کچھ ہے بھی کہ نہیں؟
اب یہ بات سب کو کھلے عام معلوم ہے کہ پی ٹی آئی نے "امریکہ کے ساتھ اچھے تعلقات، اور امریکہ میں مقیم پاکستانیوں کے ساتھ” پارٹی کے نظریات کی حمایت کے لیے واشنگٹن میں قائم ایک لابنگ فرم کی خدمات حاصل کیں۔ غیر ملکی ایجنٹوں کے رجسٹریشن ایکٹ کے تحت امریکی محکمہ انصاف کے پاس دائر دستاویزات کے مطابق، معاہدہ 21 فروری کو چھ ماہ کی مدت کے لیے طے پایا تھا۔‘‘ (23 مارچ 2023)۔
بلنکن کو خط لکھنا، کانگریسیوں کا اکٹھا کرنا، اور حالیہ سجاد برکی کا ایک ٹویٹ۔ وہ مبینہ طور پر امریکہ میں عمران خان کے نمائندہ ہیں اور پی ٹی آئی امریکہ کے سابق صدر بھی تھے۔ ٹویٹ میں کہتے ہیں ،”کانگریس مین گریگ کیسر کی میزبانی کے لیے مسٹر طارق مجید کا شکریہ۔ انہوں نے پاکستان میں جمہوریت، انسانی حقوق اور قانون کی حکمرانی کے لیے اپنی حمایت کا وعدہ کیا۔ وہ ملٹری ایڈ کو ملک میں انسانی حقوق کے حالات سے جوڑنے کے لیے ایک بل کی معاونت کر رہے ہیں۔
@PTIofficial @ptuusaofficial @MoeedNj
آئی ایس پی آر کی پریس ریلیز کے مطابق، گزشتہ دو دن جی ایچ کیو میں فارمیشن کمانڈرز کانفرنس سے خطاب کرتے ہوئے، چیف آف آرمی سٹاف عاصم منیر نے کہا، "جو لوگ بگاڑ پیدا کرنا چاہتے ہیں اور انسانی حقوق کی جعلی خلاف ورزیوں کا ڈرامہ کرنا چاہتے ہیں وہ کامیاب نہیں ہوں گے۔ ”
یہ پیغام باآوازبلند اور بالکل واضح ہے! جب پی ٹی آئی نے 9 مئی کو سول اور ملٹری تنصیبات پر حملہ کیا تو وہ جمہوری ڈھانچے سے نکل کر ایسی کارروائیوں میں مشغول ہوگئے جو دہشت گرد تنظیمیں کرتی ہیں۔ اگر آج اس خطرناک حرکت کو نہیں روکا گیا تو مستقبل میں ٹی ٹی پی یا کسی دوسری سیاسی جماعت کو بھی معاشرے میں ایسے ناقابل قبول حملے کرنے سے کون روک سکتا ہے ؟
فوج کی پیٹھ دیوار سے لگا دی گئی ہے۔
کیپیٹل ہل ایک فوجی تنصیب نہیں تھی، مگر پھر بھی سٹیورٹ رہوڈز کو حملے کے ماسٹر مائنڈ کے الزام میں 18 سال قید کی سزا سنائی گئی۔ بہتر ہے کہ کپتان یاد رکھے کہ وہ وکٹ کے دونوں طرف نہیں کھیل سکتا۔
