یں کراچی:امریکی ڈالر آج پھر مہنگا ہوگیا۔
باغی ٹی وی: اسٹیٹ بینک آف پاکستان کی جانب سے جاری اعداد و شمار کے مطابق آج انٹربینک میں ڈالر 14 پیسے مہنگا ہوا، انٹر بینک میں کاروبار کے اختتام پر ڈالر آج 285 روپے 27 پیسے پر بند ہوا ہے،انٹربینک میں گزشتہ روز ڈالر 66 پیسے سستا ہوکر 285 روپے 13 پیسے پر بند ہوا تھا۔
دوسری جانب پاکستان اسٹاک ایکسچینج میں تیزی کا تسلسل آج بھی جاری رہا، سرمایہ کاروں کی مارکیٹ میں دلچسپی کے باعث ہنڈریڈ انڈیکس میں 701اضافہ ہوا، کاروبار کے اختتام پر ہنڈریڈ انڈیکس 58 ہزار 899 پوائنٹس پر بند ہوا۔
گزشتہ روز اسٹاک ایکسچینج میں 100انڈیکس میں827 پوائنٹس اضافہ ہوا اور 100 انڈیکس 58 ہزار 198 پوائنٹس پر بند ہواجمعرات کے روز پاکستان اسٹاک ایکسچینج میں کاروبار کا مثبت آغاز ہوا اور 100 انڈیکس 340 پوائنٹس اضافے سے 58 ہزار 500 کا ہوا، کاروبار کے دوارن 100 انڈیکس 670 پوائنٹس اضافے سے 58 ہزار 800 کی بلند سطح پر پہنچا،اس کے بعد کاروبار کے اختتام پر 100 انڈیکس 701 پوائنٹس اضافے کے بعد 58 ہزار 899 پوائنٹس پر بند ہوا۔
