اسٹاک ایکسچینج میں مثبت آغاز،ڈالر کی قیمت میں بھی کمی کا سلسلہ جاری

کراچی: امریکی ڈالر کی قیمت میں کمی کا سلسلہ جاری ہے-

باغی ٹی وی: کاروباری ہفتے کے پہلے روز کاروبار کے آغاز پر انٹربینک میں امریکی کرنسی کی قدر میں 39 پیسے کمی ہوئی ہے، جس کے بعد انٹربینک میں ڈالر 281 روپے پر ٹریڈ کر رہا ہے،جبکہ گزشتہ کاروباری ہفتے کے آخری روز انٹربینک میں ڈالر 281 روپے 40 پیسے پر بند ہوا تھا۔

دوسری جانب کاروباری ہفتے کے پہلے روز مثبت آغاز کے بعد پاکستان اسٹاک ایکسچینج میں 65 ہزار کی حد بحال ہوگئی، اسٹاک ایکسچینج میں کاروبار کا آغاز 100 انڈیکس میں 315 پوائنٹس اضافے کے ساتھ ہوا، اور انڈیکس 64 ہزار 800 ہوگیا اس کے بعد دوران کاروبار 100انڈیکس میں 515 پوائنٹس اضافہ ہوا اور کاروبار کے دوران 65 ہزار کی حد بحال ہوگئی۔

گزشتہ کاروباری ہفتے کے آخری روز جمعہ کو اسٹاک ایکسچینج میں کاروباری دن میں 100 انڈیکس 1319 پوائنٹس کے بینڈ میں رہا تھا، تاہم کاروبار کے اختتام پر ہنڈریڈ انڈیکس 124 پوائنٹس کم ہوکر 64514 پر بند ہوا تھا جمعہ کو 100 انڈیکس کی کم ترین سطح 63757 رہی۔