ڈومیسٹک سیزن 21-2020 ،کھلاڑیوں کی ٹیسٹنگ ہو گی آج سے
باغی ٹی وی کی رپورٹ کے مطابق ڈومیسٹک سیزن 21-2020 کے لیے کھلاڑیوں کی ٹیسٹنگ کا سلسلہ آج سے شروع ہوگا
ڈائریکٹر ہائی پرفارمنس ندیم خان کا کہنا تھا کہ کھلاڑیوں کی صحت اور حفاظت کا خیال رکھنا ہماری اولین ترجیح ہے، ہمارے کھلاڑی ملک بھر میں موجود ہیں، لاجسٹک مسائل کے باعث پہلے کوویڈ 19 ٹیسٹ کرکٹرز خود کروارہے ہیں ،پی سی بی ان تمام کھلاڑیوں کو پہلے کوویڈ 19 ٹیسٹ کے واجبات کی ادائیگی بعد میں کردے گا،
ندیم خان کا مزید کہنا تھا کہ تمام کھلاڑیوں کے دوسرے کوویڈ 19 ٹیسٹ پی سی بی کے سنٹرل اسٹیشن پر ہوں گے،دوسری کوویڈ 19 ٹیسٹنگ پی سی بی خود کرے گا، دورہ انگلینڈ سے واپس آنے والے کرکٹرز 25 ستمبر کو اپنی ڈومیسٹک ٹیموں کو جوائن کریں گے، انگلینڈ کے طویل دورے کے بعد کھلاڑیوں کو اپنی فیملی کے ساتھ وقت گزارنے کی اجازت دی گئی ہے،
ندیم خان کا مزید کہنا تھا کہ کوویڈ 19 کی حالیہ صورتحال میں یہ پاکستان میں یہ کرکٹ کا سب سے بڑا آپریشن ہے، فخر ہے کہ پی سی بی ان حالات کے باوجود 30 ستمبر سے اپنے ڈومیسٹک سیزن کا باقاعدہ آغاز کرنے جارہا ہے،
