ڈونلڈ ٹرمپ کی خفیہ دستاویزات بارے آڈیو لیک نے ہلچل مچا دی

ایک میٹنگ کی ایک آڈیو ریکارڈنگ ، جس میں سابق صدر ڈونلڈ ٹرمپ، ایک انٹرویو لینے والے کے ساتھ ایک انتہائی خفیہ دستاویز پر گفتگو کر رہے ہیں۔ ایسا لگتا ہے کہ بعد کے ان کے اس دعوے کی نفی کرتی ہے کہ ان کے پاس ایسی دستاویزات نہیں بلکہ صرف خبروں کے تراشے تھے۔ جبکہ عالمی میڈیا کے مطابق یہ ریکارڈنگ اسپیشل کونسل جیک اسمتھ کی جانب سے خفیہ معلومات کے غلط استعمال کے لئے، ٹرمپ پر فرد جرم عائد کئے جانے کا ثبوت ہو سکتا ہے۔

Donald Trump blasted special counsel Jack Smith as "deranged" after a leaked audio recording seemed to show the former president discussing classified documents in his possession.https://t.co/j3Kfejz2vJ

— Washington Examiner (@dcexaminer) June 28, 2023

جبکہ یہ دو ہزار اکیس میں دئیے گئے ایک انٹرویو سے لی گئی ہے جو ٹرمپ نے اپنے نیو جرسی ریزورٹ میں اپنے سابق چیف آف اسٹاف مارک میڈوز کی یاد داشتوں پر کام کرنے والے لوگوں کے لئے دیا تھا۔ جیک اسمتھ کی جانب سے جو فرد جرم سابق صدر پر عائد کی گئی ہے، اس میں الزام لگایا گیا ہے کہ اسوقت ٹرمپ کے ساتھ ایک رائٹر، ایک پبلشر اور ٹرمپ کے عملے کے جو دو لوگ میٹنگ میں شریک تھے، انہیں، ایک ایسے غیر ملک پر جس کی وضاحت نہیں کی گئی تھی، پنٹاگان کے حملے کے منصوبے کے بارے میں خفیہ معلومات دکھائی گئی تھیں۔

"ٹرمپ کے الفاظ تھے، "یہ کاغذات ہیں، "جس سے ایسا اشارہ ملتا تھا جیسے ان کے پاس پنٹاگان کی خفیہ دستاویز ہے جس میں ایران پر حملے کے منصوبے درج ہیں۔ سابق امریکی صدر ڈونلڈ ٹرمپ کی مبینہ آڈیو لیک نے ہلچل مچا دی۔ سی این این خفیہ دستاویزات پر مبنی آڈیو لیک سامنے لے آیا ۔ آڈیو میں ٹرمپ اپنے اسٹاف ممبرز کیساتھ خفیہ دستاویزات پرگفتگو کر رہے ہیں۔ آڈیو لیک میں ڈونلڈ ٹرمپ نےخفیہ دستاویزات کو بغیر اجازت تحویل میں رکھنے کا اعتراف کر لیا۔

امریکی چینل کی جانب سے جاری کردہ آڈیو میں ایک ایسی گفتگو شامل ہے جس میں لگتا ہے کہ سابق امریکی ٹرمپ کے پاس پنٹاگان کی خفیہ دستاویز ہے جس میں ایران پر حملہ کرنے کا منصوبہ ہے، آڈیو لیک کے مطابق ڈونلڈ ٹرمپ کو کہتے سنا جا سکتا ہے کہ ’یہ وہ دستاویزات‘، ڈونلڈ ٹرمپ آڈیو میں حوالہ دے رہے تھے کہ ’یہ خفیہ معلومات ہے‘۔ آڈیو لیک میں اس بات کا بھی انداز ہ لگایا جا سکتا ہے کہ وہ کمرے میں موجود لوگوں کو بتا رہے کہ یہ فوج کی طرف سے مجھے دیا گیا اور آپ نے بھی دیکھ لیا، بطور صدر اب میں یہ دستاویزات خفیہ نہیں رکھ سکتا ، کیونکہ آپ لوگ یہ جانتے ہیں،اسی آڈیو لیک میں سابق امریکی صدر ٹرمپ کے عملے میں موجود ایک شخص جواب دیتا ہے کہ ’اب ہمیں ایک مسئلہ درپیش ہے‘۔

سابق امریکی صدر کو آڈیو لیک میں یہ کہتےبھی سنا جا سکتا ہے کہ کیا یہ دلچسپ نہیں ہے؟ یہ بہت اچھا ہے، ان الفاظ کے ساتھ آڈیولیک کی ریکارڈنگ ختم ہو جاتی ہے۔ تاہم خیال رہے محکمہ انصاف نے سابق امریکی صدر ٹرمپ پر جاسوسی ایکٹ سمیت دیگر قوانین خلاف ورزی کا الزام عائد کیا ہے، ڈونلڈ ٹرمپ میں لگنے والےالزامات میں مزید بتایا گیا کہ یہ عہدہ چھوڑنے پر خفیہ دستاویزات اپنے ساتھ لے گئے اور انہیں متعلقہ ادارے کو فراہم کرنے میں ناکام رہے۔
مزید یہ بھی پڑھیں؛
فتنے کو تخفظ دینے کے لئے نظریہ عمران استعمال کیا جا رہا ہے،جاوید لطیف
پیٹرولیم مصنوعات کی قیمتوں میں 20 روپے فی لیٹر تک اضافے کا امکان
پُرامن ممالک کی فہرست میں پاکستان کونسے نمبر پر؟
پی آئی اے کی تنظیم نو، اصلاحات اور بحالی کیلئے اعلی سطحی کمیٹی تشکیل
مصدق ملک نے تیل ذخیرہ اندوزی کا توڑ پیش کر دیا
ٹیلی گرام بھی اسٹوریز کا فیچر متعارف کرانے کیلئے تیار

فرد جرم میں محکمہ انصاف نے اجلاس کی آڈیو ریکارڈنگ سمیت دیگر شواہد بیان کرتے ہوئے بتایا کہ ٹرمپ ایک مصنف، ایک پبلشر اور اپنے سٹاف کے دولوگوں کو ’انتہائی خفیہ‘ دستاویزات دکھائے تھے۔ واضح رہے کہ سابق صدر پر الزام ہے کہ انہوں نے جان بوجھ کرخفیہ دستاویزات جمع کر رکھی ہیں جنہیں انہوں نے غیر قانونی طور پر فلوریڈامیں اپنی رہائش گاہ منتقل کیا اور واپسی سے انکار کرتے رہے،سابق امریکی صدر ٹرمپ تفتیش کاروں کوبھی خفیہ دستاویزات کی برآمدگی میں رکاوٹ ڈالنے کی سازش کرتے تھے۔