دوسری فلم کی کامیابی کے بعد ونڈر وومن 3 بنانے کا اعلان

حال ہی میں ہالی وڈ کی سائنس فکشن فلم ‘ونڈر وومن 1984’ ریلیز ہوئی اور جس نے وبا کے دوران بھی ایک ریکارڈ کمائی کی تاہم اب پروڈکشن کمپنی نے تصدیق کی ہے کہ اس سیریز کی تیسری فلم بھی بنائے جائے گی۔

باغی ٹی وی : ‘ونڈر وومن 1984’ کو ابتدائی طور پر 16 دسمبر کو اسٹریمنگ ویب سائٹ ایچ بی او میکس پر ریلیز کیا گیا تھا جس کے بعد 25 دسمبر کو کرسمس کے دن اسے لاطینی امریکا کے مختلف ممالک کے 2100 سینما تھیٹرز میں بھی ریلیز کیا گیا۔

فلم نے حیران کن طور پر سینما تھیٹرز سے ریلیز کے پہلے ہی دن ایک کروڑ 60 لاکھ ڈالر کمائی کی جو کہ وبا کے دنوں میں ایک ریکارڈ ہے۔

تاہم ‘ونڈر وومن 1984’ کی کامیابی کو دیکھتے ہی وارنر برادرز نے اعلان کیا ہے کہ اب سیریز کی تیسری فلم بنائی جائے گی، جس میں گال گدوت ہی مرکزی کردار ادا کرتی دکھائی دیں گی۔

شوبز ویب سائٹ ورائٹی کی رپورٹ کے مطابق وارنر برادرز کے چیف ٹوبی امیرچ کا کہنا تھا کہ "ان مشکل وقتوں کے دوران ، گھر والوں کو گھروں میں اس اعلی فلم سے لطف اندوز ہونے کا اختیار دینا اچھا لگا ، جہاں تھیٹر دیکھنے کا آپشن نہیں تھا۔”

تاہم امیرچ نے فلم کی کامیابی کے بعد تصدیق کی ہے کہ جلد ہی سیریز کی تیسری اور پہلی ٹرائلوجی کی فلم پر کام شروع کردیا جائے گا۔

انہوں نے تصدیق کی کہ تیسری فلم میں بھی مرکزی کردار یعنی پرنس ڈیانا نامی خاتون سپر ہیرو کا کردار گال گدوت ہی ادا کریں گی جب کہ پیٹی جینکنس ہی ہدایات دیں گی۔

سیریز کی پہلی دونوں فلموں میں بھی گال گدوت نے مرکزی کردار ادا کیا جب کہ پیٹی جینکنس نے ہی پہلی دونوں فلموں کی ہدایات دیں اور اب دونوں تیسری فلم میں بھی ایک ساتھ دکھائی دیں گی۔

ونڈر وومن 1984 کو آئندہ ماہ کرسمس کے موقع پر 25 دسمبر کو ریلیز کرنے کا اعلان

رپورٹ کے مطابق سیریز کی تیسری فلم پہلی ٹرائلوجی کی آخری فلم ہوگی، جس کے بعد ممکنہ طور پر سیریز کی دوسری ٹرائلوجی پر کام کیا جائے گا، تاہم دوسری ٹرائلوجی کی پہلی فلم 2026 تک ریلیز ہونے کا امکان ہے۔

سیریز کی تیسری اور پہلی ٹرائلوجی کی آخری فلم کو 2022 کے آخر تک ریلیز کیے جانے کا امکان ہے تاہم اس حوالے سے پروڈکشن کمپنی نے کوئی وضاحت نہیں کی۔

تاہم خیال کیا جا رہا ہے کہ سیریز کی تیسری فلم میں بھی دوسری فلم کی زیادہ تر کاسٹ اپنے اپنے کردر ادا کرتی دکھائی دیں گی، تاہم ممکنہ طور پر کچھ تبدیلیاں کیے جانے کا امکان ہے۔

’گیمز آف تھرونز‘ گیم کا بانی اور چینی ارب پتی گیم ڈویلپر پراسرار طور پر ہلاک

’مولان‘ کے بعد فنٹیسی اینیمیٹڈ فلم ’سول‘ بھی آن لائن ریلیز

پاکستانی تخلیق کاروں کے لئے پہلا ڈیجیٹل پلیٹ فارم متعارف

اسٹاروار فرنچائز کا اسٹار وارز کے مشہور ولن کردار بوبا فیٹ پر بھی الگ سیریز بنانے…