لاہور: سیکرٹری تعلیم پنجاب خالد نذیر وٹو نے محکمے کے دورے پر آنے والوں کو گلدستے اور تحائف دینے پر پابندی عائد کردی۔
اس حوالے سے سیکرٹری ایجوکیشن خالد نذیر وٹو نے تمام اضلاع کے سی ای اوز کو مراسلہ جاری کر دیا ہے،کہا کہ سیکرٹری ایجوکیشن کے مختلف دوروں کے دوران اسکول انتظامیہ کی جانب سے پھولوں کے بوکے اور دیگر مہمان نوازی کے لیے اخراجات کا بےجا استعمال دیکھا گیا ہےتحائف پرخرچ ہونے والی رقم اسکولوں اور طلباء کی فلاح و بہبود پر لگائیں، سادگی اپنائیں، سرکاری دوروں پر آنے والوں کو گلدستے اور تحائف نہ دیے جائیں-
کہاگیاکہ تمام ایجوکیشن افسران نمائشی کلچر کی حوصلہ شکنی کریں اور اسکول ایجوکیشن ڈپارٹمنٹ کے افسران کے دوروں پرگلدستے نہ دیے جائیں،اس کے علاوہ سیکرٹری تعلیم نے محکمہ کے تمام افسران کو مراسلے پر فوری عملدرآمد یقینی بنانے کی ہدایت بھی کی ہے۔
