نیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں جاری شدید بارشوں کے باعث ایک ہی روز میں دوسرا الرٹ جاری کر دیا ہے، جس میں گلگت بلتستان اور آزاد کشمیر کے مختلف علاقوں میں لینڈ سلائیڈنگ کے خطرے سے خبردار کیا گیا ہے۔
الرٹ کے مطابق گلگت، اسکردو، ہنزہ، استور، دیامر، گانچھے اور شگر میں لینڈ سلائیڈنگ کا خدشہ ہے۔ آزاد کشمیر کے مظفرآباد، نیلم ویلی، راولا کوٹ، ہویلی اور باغ میں بھی شدید بارشوں کے باعث مٹی کے تودے گرنے کا امکان ہے۔این ڈی ایم اے نے اپر کوہستان، دیامر اور استور روڈ کے علاقوں، گلگت روڈ، نگر روڈ اور شاہراہ قراقرم کے متعدد مقامات کو لینڈ سلائیڈنگ کے ممکنہ خطرے کی زد میں قرار دیا ہے۔
اس کے علاوہ جگلوٹ-اسکردو روڈ خصوصاً روندو کے ملحقہ علاقوں میں بھی مٹی کے تودے گرنے کا خطرہ ظاہر کیا گیا ہے۔این ڈی ایم اے نے مقامی انتظامیہ اور متعلقہ اداروں کو ہدایت دی ہے کہ متاثرہ سڑکوں کی فوری بحالی کے لیے بھاری مشینری الرٹ پر رکھی جائے تاکہ کسی بھی ہنگامی صورتحال سے فوری نمٹا جا سکے۔
دورۂ انگلینڈ کے لیے پاکستان شاہینز کا 18 رکنی اسکواڈ اعلان
وزارت داخلہ کی ویزا اسکینڈل سے متعلق میڈیا رپورٹس کی سخت تردید
خود فراموشی کا انجام،تحریر: اقصیٰ جبار
مسلسل دوسرے روز سونے کی قیمت میں بڑا اضافہ
