لاہور:لاہور کی مقامی عدالت نے سابق ڈپٹی اسپیکر پنجاب اسمبلی دوست مزاری کو2 روزہ جسمانی ریمانڈ پر محکمہ اینٹی کرپشن کے حوالے کردیا ہے۔عدالت نے زمینوں پر قبضے کے مقدمے میں دو روز کےلیے جسمانی ریمانڈ پر اینٹی کرپشن کے حوالے کردیا.
اینٹی کرپشن حکام نے دوست محمد مزاری کوضلع کچہری لاہور میں ڈیوٹی مجسٹریٹ کے روبرو پیش کیا۔اینٹی کرپشن کے وکیل نے سابق ڈپٹی اسپیکر کے جسمانی ریمانڈ کی استدعا کرتے ہوئے موقف اختیار کیا کہ دوست محمد مزاری سے زمین پر قبضے کے الزام کی چھان بین کرنی ہے اس لیے جسمانی ریمانڈ دیا جائے۔
سابق ڈپٹی اسپیکر کے وکیل نے جسمانی ریمانڈ کی مخالفت کرتے ہوئے موقف اپنایا کہ اینٹی کرپشن حکام نے سیاسی بنیادوں پر مقدمہ درج کیا اور گرفتاری کی۔
عمران خان ایماندار اورمخلص انسان،آرمی چیف کو کبھی غدار نہیں کہا:فیصل واوڈا
یاد رہے کہ کل شام کو یہ خبریں وائرل ہوئی تھیں کہ محکمہ اینٹی کرپشن نے سابق ڈپٹی اسپیکر پنجاب اسمبلی دوست محمد مزاری کو گرفتار کرلیا۔
ذرائع کے مطابق کل محکمہ اینٹی کرپشن نے سابق ڈپٹی اسپیکر پنجاب اسمبلی دوست محمد مزاری کو نجی اسپتال سے گرفتارکیا تھا
عزیزہم وطنو!چاہتاہوں کہ پاکستانی اپنے فیصلےخودکریں،امریکہ اوراغیارنہیں:یہی میرامشن…
دوست محمد مزاری کے کزن شہباز مزاری نے بھی گرفتاری کی تصدیق کردی تھی ، ان کا کہنا تھا دوست محمد مزاری دادا کی عیادت کیلئے اسپتال آئے ہوئے، جہاں سے اینٹی کرپشن ٹیم نے انہیں گرفتار کیا۔
انہوں نے مزید بتایا کہ دوست محمد مزاری کو نامعلوم مقام پر منتقل کردیا گیا ہے، گرفتاری سے متعلق کوئی بھی معلومات خاندان کو فراہم نہیں کی جارہیں۔
