دوستی کا جھانسہ دے کر اغوا برائے تاوان میں ملوث خاتون گرفتار

کراچی: اینٹی وائلنٹ کرائم سیل نے دوستی کا جھانسہ دے کر اغوا برائے تاوان میں ملوث خاتون کو گرفتار کر کے مغوی کو بازیاب کرالیا۔

باغی ٹی وی: تفصیلات کے مطابق اینٹی وائلنٹ کرائم سیل نے خفیہ اطلاع پر بلدیہ سعید آباد میں کارروائی کرتے ہوئے اغوا برائے تاوان میں ملوث ایک خاتون کو گرفتارکر کے مغوی ریاض علی کو بازیاب کرالیا-

ملک کے مختلف شہروں میں کارروائیاں ،منشیات برآمد،6ملزمان گرفتار

پولیس کےمطابق 7جنوری کوامزرخان نامی شہری کی مدعیت میں تھانہ سعیدآباد میں ریاض علی کےاغوا کامقدمہ درج کیا گیا تھا ملزمان نے مغوی کی رہائی کیلئے ڈیڑھ کروڑ روپے تاوان کا مطالبہ کیا تھا جبکہ عورت کےساتھ شامل دیگر 4 اغوا کاروں کو پولیس تلاش کر رہی ہے۔

ابتدائی تفتیش کے مطابق ملزمہ نے دوستی کا جھانسہ دیکر ریاض علی کو بلانے اور بعدازاں اغوا کی واردات انجام دینے کا اعتراف کیا ہے ملزمہ نے مزید انکشاف کیا کہ وہ موبائل فون پر دوستی کا جھانسہ دینےکےبعد مختلف کرائے کی جگہوں پر لوگوں کو بلواتی تھی جہاں مکان میں پہلے سے ہی موجود گروہ کے دیگر ساتھیوں کی مدد سے اغوا کی واردات انجام دیتی تھی۔

ملزمہ اغوا برائے تاوان بلکہ زمینوں پر قبضے سے متعلق لینڈ مافیا کی مدد سے مختلف پلاٹوں پر قبضہ کرچکی ہے گرفتار ملزمہ سے مزید تفتیش جاری ہے۔

دولہا گیا نکاح کیلئے مسجد وزیر خان،نوکرانیوں نے کیا اپنا گھناؤنا کام

دوسری جانب کراچی میں ڈکیتی کے مختلف واقعات میں 2 ڈاکووں کو زخمی حالت میں گرفتار کیا گیا ہے پولیس کے مطابق اورنگی ٹاؤن سیکٹر ساڑھے گیارہ میں 2 ڈاکؤوں نے شہری سے لوٹ مار کی کوشش کی تو علاقہ مکینوں نے ایک ڈاکو یاسین کو پکڑ لیا جبکہ دوسرا فرارہوگیا۔

شہریوں نے پکڑے گئے ڈاکو کو اسی کی پستول سے ٹانگ پر گولی مار کر زخمی کر دیا، ملزم کو زخمی حالت میں اسپتال منتقل کردیا گیا۔

پولیس کے مطابق ملیر سٹی بابا ولایت شاہ کے مزار کے قریب مقابلے کے بعد ایک اسٹریٹ کرمنل جاوید کو زخمی حالت میں گرفتار کر لیا گیاعلاوہ ازیں پولیس کا کہنا ہے کہ ابوالحسن اصفہانی روڈ، بکھر گوٹھ میں 30 سالہ رئیسہ بی بی گھریلو جھگڑے کے دوران چھری کے وار سے زخمی ہوگئی۔

لیاری گینگ وار کے دو انتہائی مطلوب ملزم گرفتار