میرپورخاص : پولیس کا ایک گھر پر چھاپہ ،مین پڑی کے درجنوں کٹے برآمد

میرپورخاص ،باغی ٹی وی (نامہ نگار سیدشاہزیب شاہ) پولیس کا ایک گھر پر چھاپہ ،مین پڑی کے درجنوں کٹے برآمد
تفصیل کے مطابق میرپور خاص سٹلائٹ ٹاؤن کے ایس ایچ او انسپکٹر غازی خان راجڑ اور اے ایس آئی عباس علی عباسی کی کارروائی حیدری امام بارگاہ کے قریب ایک گھر پر چھاپہ میں مین پڑی کے درجنوں کٹے برآمد،سٹلائٹ ٹاؤن پولیس نے موبائل اور چنگچی رکشہ مین پڑی کے کٹوں ڈال کر خام مال تھانے منتقل کردیا ، مذکورہ پولیس آپریشن میں کسی کی گرفتاری عمل میں نہیں آئی ، واضح رہے کہ میرپورخاص میں آئی جی سندھ غلام نبی میمن کے انتہائی سخت احکامات پر منشیات فروشوں کے خلاف سخت آپریشن چل رہا ہے انتہائی معتبر حلقوں کی جانب سے میرپورخاص پولیس کو حدف تنقید بنایا جارہا ہے کہ آخر وہ کونسی ایسی وجوہات ہیں کہ میرپورخاص میں منشیات کے خلاف آپریشن کامیاب نہیں ہورہا ،تھوڑی سے احتیاط کے ساتھ ہر جگہ با آسانی منشیات پہلے سے زیادہ قیمت پر دستیاب ہیں میرپورخاص کےمعتبر حلقے اور وہ تمام شخصیات جو میرپورخاص کو منشیات کی لعنت سے پاک کرنا چاہتی ہیں اور نوجوان نسل کو اس مہلک زہر سے بچانا چاہتی ہیں نے وزیراعلی سندھ آئی جی سندھ سے مطالبہ کیا ہے منشیات فروشوں اور محکمہء پولیس کی کالی بھیڑوں کے خلاف ایکشن لیا جائے.