ڈیرہ غازی خان :محرم الحرام کی آمد،ڈی پی او کا سیکورٹی انتظامات کے لئے جلوس روٹ کا وزٹ

ڈیرہ غازی خان، باغی ٹی وی( نیوز رپورٹر شاہد خان ) ڈی پی او سید علی نے محرم الحرام کی آمد کے حوالے سے سیکورٹی انتظانات چیک کرنے کے لئے روٹ جلوس کا وزٹ کیا۔

تفصیلات کے مطابق ڈی پی او سید علی نے محرم الحرام کے حوالے سے نکالے جانے والے بڑے جلوس کے روٹ کیا وزٹ کیا۔انہوں نے کہا محرم الحرام کے موقع پر سیکیورٹی انتظامات کو یقینی بنانے کے لئے بھر پور انتظامات عمل میں لائے جا رہے ہیں جلوس و مجالس کی سیکورٹی کے لئے ضلع ڈیرہ غازیخان میں سینکڑوں پولیس اہلکار تعینات کئے جائیں گے، ضلع پولیس کے ساتھ ساتھ ایلیٹ فورس اور ٹریفک پولیس بھی اپنی اپنی ڈیوٹی سر انجام دیں گے۔

ڈی پی او نے انچارج سیکورٹی کو ہدایت کی کہ ڈیوٹی پر تعینات پولیس اہلکاران کو ڈیوٹی کی حساسیت کے بارے میں بریفنگ دیں گے اور جلوس کے راستوں میں آنے والی عمارتوں کی چھتوں پر سیکیورٹی ڈیوٹی کو ایس او پی کے مطابق یقینی بناتے ہوۓ تمام آفسیر و اہلکار ڈیوٹی الرٹ ہو کر انجام دینے کے پابند ہوں تاکہ کوئی ناخوشگوار واقع رونما نہ ہو۔