سکھر: صدر مملکت آصف زرداری نے سکھر میں عالمی معیار کا اسپتال بنانے پر ڈاکٹر عاصم کو خراج تحسین پیش کرتے ہوئے کہا ہے کہ
ڈاکٹرعاصم کے خاندان کی صحت کے شعبے میں شاندار خدمات ہیں-
باغی ٹی وی: آصف زرداری نے سکھر میں ڈاکٹر ضیاالدین اسپتال یونیورسٹی کیمپس کی افتتاحی تقریب سے خطاب کرتے ہوئے کہا کہ ڈاکٹر عاصم کو جس قیمت کی درخواست کی انہوں نے اس سے سستی قیمت میں ہمیں زمین دی، سکھر میں عالمی معیار کا اسپتال بنایا گیا ، ڈاکٹرعاصم حسین کے خاندان کی صحت کے شعبے میں شاندار خدمات ہیں، یہاں یونیورسٹی بنانے کا خرچ سندھ حکومت اٹھائے گی۔
آصف علی زرداری نے کہا کہ حیدرآباد میں اسپتال کی تعمیر کے لئے ذاتی زمین وقف کی ہے، وہاں بھی ان سے اسپتال بنوائیں گے، سکھر کی خدمت ایسے کریں گے جیسے باقی شہروں کی کرتے رہے ہیں، روہڑی کینال کو پختہ کیا جارہا ہے، سالانہ بنیادوں پر 15 ارب روپے روہڑی پر خرچ ہوں گے، جو کاربن کریڈٹ سے آئے ہیں، ان پیسوں کو اس لئے لگایا جارہا ہے تاکہ سارا پانی یہاں سے پکا ہوکر نکلے، وزیراعلیٰ بلوچستان سرفرازبگٹی کو ہدایت کی ہے کہ بلوچستان میں جدید اسپتال بنائیں، ہم تمام دوستوں کوتنبیہ کرتے ہیں کہ غریب عوام کی بھرپور خدمت کریں۔
پرندوں کی بیٹ اگلی فلو وبا روکنے میں مددگار ثابت ہو سکتی ہے، تحقیق
