ڈاکٹروں کی ہڑتال، عدالت نے ایسا حکم دیا کہ ڈاکٹر پریشان ہو گئے

ڈاکٹروں کی ہڑتال، عدالت نے ایسا حکم دیا کہ ڈاکٹر پریشان ہو گئے

باغی ٹی وی کی رپورٹ کے مطابق ڈاکٹروں کی ہڑتال کے خلاف درخواست کی سماعت ہوئی،عدالت نے ینگ ڈاکٹرز کی قیادت کو عدالت طلب کرلیا ،عدالت نے صدر لاہور ہائیکورٹ بار کوبھی فوری طور پر طلب کرلیا

عدالت نے کہا کہ عدالت ہرصورت ہڑتال ختم کرائے گی۔کیوں نہ ہڑتال کرنے والوں کےخلاف کریک ڈاون کاحکم دے دیا جائے۔ قانون کی عمل داری کے اس معاملے میں عدالت انتظامیہ کے ساتھ ہے۔ ہڑتالیوں کےخلاف پیڈاایکت کےتحت کاروائی ابھی تک کیوں نہیں کی گئی ڈاکٹروں کے لائسنس ہیں تو انہیں کینسل کیوں نہیں کیا گیا۔پاکستان میڈیکل کمیشن نے ابھی تک ان کے لائسنس کیوں منسوخ نہیں کئے۔

عدالت نے کہا کہ دنیا بھر میں پروفیشنل ہڑتال پرنہیں جاتے۔ یہ کیسے ہوسکتا ہے کہ ہسپتال کسی کے لئے دستیاب ہی نہیں ہیں۔ عدالتیں موجود ہیں تو پھر ہڑتال کیوں کی گئی۔اگر ڈاکٹروں کے اعتراضات تھے توعدالت سے رجوع کرتے۔ عدالت شہریوں کے بنیادی حقوق کے تحفظ کی ذمہ دار ہے۔ہڑتال پرجانے والے کون لوگ ہیں۔ جس پر وکیل اظہر صدیق نے کہا کہ ینگ ڈاکٹرز کےساتھ پیرامیڈیکس بھی شامل ہوکرسڑکیں بندکردیتے ہیں۔

سیکرٹری صحت نے کہا کہ دس اکتوبر سے ڈاکٹر ایم ٹی آئی ایکٹ کے خلاف احتجاج پرہیں۔عدالت نے کہا کہ ایسا کوئی قانون نہیں بن سکتا جو عوام کے بنیادی حقوق کے خلاف ہو۔قانون بنانہیں تو فریقین کا موقف سنے بغیر آرڈیننس جاری کردیا گیا۔ ایڈیشنل سیکرٹری صحت نے کہا کہ سارے فریقین کاموقف سن کرایم ٹی آئی ایکٹ میں ترامیم کی گئیں۔ جس پر عدالت نے کہا کہ پھربھی ڈاکٹرکیوں ہڑتال پر ہیں۔

درخواست گزار کے وکیل نے کہا کہ ڈاکٹروں کی ہڑتال کےسیاسی مقاصدہیں۔