میرپورخاص: ڈاکٹر شاہ نواز قتل کیس میں نئی ایف آئی آر، 45 ملزمان شامل

میرپورخاص( باغی ٹی وی ،نامہ نگارسید شاہزیب شاہ ) ڈاکٹر شاہ نواز قتل کیس میں نئی ایف آئی آر، 45 ملزمان شامل

تفصیل کے مطابق میرپورخاص میں ڈاکٹر شاہ نواز قتل کیس میں پیش رفت سامنے آئی ہے۔ سندھ حکومت کی جانب سے اس کیس کو ایف آئی اے کے حوالے کرنے کے بعد اب اس میں نئی ایف آئی آر درج کر لی گئی ہے، جس کی کاپی دہشت گردی عدالت میں پیش کر دی گئی ہے۔

ایف آئی اے نے اس مقدمے کو دوبارہ جانچتے ہوئے 45 ملزمان کو شاملِ تفتیش کیا ہے، جن میں ایس ایس پی عمرکوٹ، ایس ایس پی میرپورخاص اور ڈی آئی جی میرپورخاص بھی شامل ہیں۔ یہ نام شامل کر کے ایف آئی آر کی کاپی انسدادِ دہشت گردی کی عدالت میں جمع کرائی گئی ہے۔

یہ کیس سندھ میں قانون و انصاف کے نظام پر اعتماد بحال کرنے کے لیے اہم ثابت ہو سکتا ہے۔