ڈاکٹر محب سلیم کی پراسرار موت ،اہلیہ کی مدعیت میں رپورٹ درج

ڈاکٹر محب سلیم کی پراسرار موت ،اہلیہ کی مدعیت میں رپورٹ درج

باغی ٹی وی کی رپورٹ کے مطابق ملتان کی سخی سلطان کالونی گھر میں ڈاکٹر محب سلیم کی پراسرار موت کا واقعہ ،ڈاکٹر سلیم محب کی اہلیہ کی مدعیت میں رپورٹ درج کر لی،

رپورٹ کے متن کے مطابق شوہر 3 بجکر 45 منٹ پر سخی سلطان کالونی گھر گئے تھے،شوہر کا نمبر مسلسل بند ملا تو ہمسائے کو کال کر کے پتہ کرنے کا کہا،ہمسائے نے فون پر کہا گھر سے جلنے کی بو آ رہی ہے، گھر پہنچ کر کچن میں دیکھا تو شوہر سلیم محب کی جلی ہوئی لاش ملی میرے شوہر کو کورونا تھا جو 3 روز پہلے اسپتال سے ڈسچارج ہوئے تھے، ہماری کسی سے کوئی دشمنی نہیں ہے،

ڈاکٹر سلیم محب چند روز قبل اپنی بیٹی کو مار کر خودکشی کرنے والے ڈاکٹر اظہر حسین کے بھائی ہیں،ان کے بھائی اشرف ضیا کے مطابق ڈاکٹر سلیم گھر میں اکیلے تھے، ہمسائیوں نے گھر میں دھماکے کی آواز سنی اور ریسیکو کو اطلاع دی، پولیس نے گھر سے شواہد اکھٹے کرکے قانونی کاروائی شروع کردی،

پولیس ذرائع کے مطابق واقعہ خودکشی لگتا ہے مزید تحقیقات جاری ہیں حتمی وجہ پوسٹ مارٹم کے بعد واضح کی جائے گی۔