ضلع خیبر(باغی ٹی وی رپورٹ ) خیبر جمرود پولیس کا منشیات فروشوں و سمگلروں کے خلاف کریک ڈاؤن کامیابی کے ساتھ جاری موٹرکار کے ذریعہ نشہ اور ایکٹریسی گولیاں سمگل کرنے کی کوشش ناکام بنادی گئی 2 ملزمان گرفتار،پیدل آئس سمگل کرنے کی کوشش ناکام بنادی گئی دوران تلاشی ملزم سے 305 گرام آئس برآمد ملزم گرفتار
تفصیلات کے مطابق ڈی پی او خیبر سلیم عباس کلاچی کے احکامات پر ڈی ایس پی جمرود سرکل محمد نواز کی نگرانی میں منشیات فروشوں کے خلاف کریک ڈاؤن روزانہ کی بنیاد پر جاری ہیں۔ایس ایچ او جمرود نفیس خان کی خفیہ اطلاع پر اے انچارج تختہ بیگ بخت منیر نے شاکس میں سپشل ناکہ بندی کے دوران مشکوک موٹر کار نمبر ANF 220 سے دوران تلاشی خفیہ خانوں سے 2500 عدد نشہ اور گولیاں برآمد کی گئی دو ملزمان موقع سے گرفتار جبکہ ایک ملزم فرار ،گرفتار ملزمان توصیف اور سید حسن افغانی کوگرفتار کرکے حوالات منتقل کر دیا گیا۔
دوسری کارروائی انچارج وزیر ڈھنڈ اتحاد آفریدی نے علاقہ تختہ بیگ نہر کے قریب ناکہ بندی کے دوران عدیل افغانی کے قبضے سے 305 گرام آئس برآمد کرکے حوالات منتقل کر دیا گیا۔ملزمان نے مکروہ دھندے میں ملوث ہونے کا اعتراف کرلیا اور مزید انکشافات بھی سامنے آگئے ہیں گروہ کے دیگر ساتھیوں کے نام بھی اگل دیئے ہیں جنہیں جلد گرفتار کرلیا جائے گا۔
