دعا زہرہ کی میڈیکل رپورٹ، والد کا ردعمل آ گیا، ظہیر کی گرفتاری کا بھی امکان
دعا زہرہ کی میڈیکل رپورٹ، والد کا ردعمل آ گیا، ظہیر کی گرفتاری کا بھی امکان
باغی ٹی وی کی رپورٹ کے مطابق دعا زہرہ کے میڈیکل رپورٹ کے عدالت میں جمع ہونے کے بعد دعا زہرہ کے والد مہدی کاظمی کا ردعمل آیا ہے
دعا زہرہ کے والد مہدی کاظمی کا کہنا ہے کہ آج ثابت ہو گیا کہ میری بیٹی کی عمر 15 برس ہے، آپ سب سے دعا ہے کہ میرے لیے مزید دعا کریں کیونکہ کیس ابھی مزید آگے بھی جاری رہے گا لیکن انشاءاللہ اب کیس ہمارے لیے آسان ہو گیا ہے جو لوگ لڑکے ساتھ سیلفی لے رہے تھے وہ اب جیل کی سلاخوں کے پیچھے جا کر سیلفیاں لیں گے
دوسری جانب دعا زہرا کے والد مہدی کاظمی کے وکیل جبران ناصر کا کہنا تھا کہ نئی میڈیکل رپورٹ کے مطابق دعا زہرا کی عمر 15 سال کے قریب ہے اس کا مطلب ہے کہ وہ ابھی 15 سال کی بھی نہیں ہوئیں انہیں امید ہے کہ نئی میڈیکل رپورٹ آنے کے بعد اب سندھ پولیس کل دوپہر تک ظہیر احمد کو گرفتار کرلے گی کیونکہ ان پراغوا کا کیس درج ہے صرف 2 ہفتے قبل پولیس کے اعلیٰ حکام یہ کہہ چکے ہیں کہ اس کیس میں کچھ نہیں بچا اس لیے اسے بند کردیا جائے۔ لیکن آج آنے والی رپورٹ سے ثابت ہوا کہ کیس کی تفتیش ٹھیک سے نہیں کی گئی۔
عدالت میں جمع کروائی گئی رپورٹ کے مطابق دعا زہرہ کی عمر کے تعین کے لیے بتیسی، کلائی اور کہنی کے ایکسرے کیے گئے ،نئی میڈیکل رپورٹ عدالت میں جمع کرا دی ہے جس میں دعا زہرا کو ’مائنر‘ یعنی کہ نابالغ لکھا گیا ہے ،دعا زہرہ کی عمر ڈینٹل ایگزامینیشن کے مطابق 13 سے 15 سال کے درمیان میں ہے ،ریڈیولوجیکل معائنے کے مطابق دعا زہرا کی عمر 16 سے 17 سال کے درمیان ہے ،میڈیکل بورڈ نے اتفاق کیا ہے کہ دعا زہرا کی عمر 15 سے 16 سال کے درمیان ہے
کراچی سے بھاگ کر شادی کرنیوالی دعا زہرا کو عدالت نے بھی بڑا حکم دے دیا
کل کہیں گے افغانستان سے سگنل آرہے ہیں تو ہم کیا کرینگے؟ دعازہرہ کیس میں عدالت کے ریمارکس
والدین سے نہیں ملنا چاہتی،دعا زہرہ کا عدالت میں والد کے سامنے بیان
دعا کیجیے گا ہماری دعا ظالموں کے چنگل سے آزاد ہو،دعا زہرہ کے والدین کی اپیل
دعا زہرہ کیس،عمر کے تعین کیلئے ایک بار پھر میڈیکل بورڈ بنانے کا حکم
واضح رہے کہ دعا زہرہ نے گھر سے بھاگ کر شادی کر لی تھی، دعا زہرہ کے شوہر ظہیر احمد کا کہنا ہے کہ کہ دعا اور میرا رابطہ پب جی گیم کے ذریعے ہوا اور پچھلے تین سال سے ہمارا رابطہ تھا دعا زہرہ کراچی سے خود آئی ہے دعا نے میرے گھر کے باہر آکر مجھے میسج کیا وہ رینٹ کی گاڑی پر آئی تھی میرے گھر والے شادی پر آمادہ تھے میرے گھر والے بھی چاہتے تھے کہ دعاکے گھر والے رضامند ہوں لیکن دعا کے گھر والوں نے شادی کیلئے مثبت جواب نہیں دیا اسی وجہ سے یہ خود اپنا گھر چھوڑ کر آ گئی
