دبئی میں اب مسافر ایئر لائنز کے ٹکٹ کی خریداری اور دبئی ڈیوٹی فری پر شاپنگ کے لیے کرپٹو کرنسی استعمال کر سکیں گے۔
اس حوالے سے دبئی ایئرپورٹ حکام نے عالمی کرپٹو اداروں کے ساتھ ایک معاہدہ کر لیا ہے، جس کے تحت اماراتی ایئر لائنز کے ٹکٹس کی ادائیگی کرپٹو کرنسی کے ذریعے ممکن ہوگی۔حکومت دبئی کی جانب سے جاری اعلامیے کے مطابق دبئی ڈیوٹی فری اسٹورز پر بھی کرپٹو کرنسی سے خریداری کی سہولت دستیاب ہوگی، جس سے صارفین کو جدید ڈیجیٹل ادائیگی کا ایک اور راستہ میسر آئے گا۔
دبئی کے حکام نے اس پیش رفت کو اپنے ڈیجیٹل وژن کا اہم حصہ قرار دیتے ہوئے کہا ہے کہ دبئی کو کرپٹو کرنسی سے مربوط ایک جدید ڈیجیٹل مرکز بنایا جا رہا ہے، جو عالمی سطح پر دبئی کی معیشت کو مزید مضبوط بنائے گا۔
ملکی زرمبادلہ کے ذخائر تاریخ کی بلند ترین سطح پر پہنچ گئے
یو اے ای کا نام ہائی رسک منی لانڈرنگ ممالک کی فہرست سے خارج
