دبئی پولیس نے ایشیا کپ 2025 کے ہائی وولٹیج پاک بھارت ٹاکرے سے قبل کرکٹ شائقین کے لیے نئی سکیورٹی ایڈوائزری جاری کر دی۔
حکام کا کہنا ہے کہ تماشائیوں کا رویہ یو اے ای کی کھیلوں کی شاندار میزبانی کے معیار کے مطابق ہونا چاہیے۔دبئی پولیس کے مطابق ایشیا کپ کے تمام میچز کے لیے خصوصی پولیس یونٹس تشکیل دیے گئے ہیں، کسی بھی قسم کے ہنگامے یا سکیورٹی میں خلل پر سخت قانونی کارروائی ہوگی۔بغیر اجازت پچ میں داخل ہونے یا آتشبازی جیسی ممنوعہ اشیاء لانے پر 3 ماہ قید اور 5,000 سے 30,000 درہم جرمانہ ہو سکتا ہے۔
لڑائی جھگڑا، اشیاء پھینکنے یا نسلی و توہین آمیز زبان کے استعمال پر 10,000 سے 30,000 درہم جرمانہ اور قید کی سزا دی جائے گی۔آتشبازی، آتش گیر مادہ، لیزر، چھتریاں، بڑے کیمرے، سیلفی اسٹکس، نوکیلی یا زہریلی اشیاء، جھنڈے، بینرز، پالتو جانور، ریموٹ کنٹرول ڈیوائسز، سائیکل، اسکوٹرز اور اسکیٹ بورڈز۔
دبئی پولیس کا کہنا ہے کہ یہ اقدامات صرف شائقین ہی نہیں بلکہ کھلاڑیوں، آفیشلز اور تمام شرکاء کے تحفظ کے لیے کیے گئے ہیں۔
ایشیا کپ : پاک-بھارت ٹاکرا کل دبئی کے میدان میں ہوگا
وزیراعظم نے سیلاب زدہ علاقوں میں بجلی بلوں کی وصولی سے روک دیا
