کراچی کے علاقے راشد منہاس روڈ پر ڈمپر کی موٹر سائیکل کو ٹکر مارنے کا واقعہ سی سی ٹی وی کیمروں میں محفوظ ہو گیا ہے۔
ابتدائی پولیس رپورٹ کے مطابق، موٹر سائیکل ساتھ چلنے والی گاڑی سے ٹکرا کر پھسل گئی تھی، کیونکہ ہلکی بوندا باندی کی وجہ سے سڑک گیلی تھی۔حادثے میں بہن اور بھائی موٹر سائیکل سے گر گئے جس کے فوراً بعد پیچھے سے آ رہا ڈمپر ان کی زد میں آ گیا۔ پولیس کا کہنا ہے کہ حادثے کے وقت ڈمپر خالی تھا اور فاسٹ ٹریک پر تیز رفتاری سے چل رہا تھا۔سی سی ٹی وی ویڈیو نے ڈمپرز اونرز ایسوسی ایشن کے چیئرمین کے بیان کی بھی تردید کی ہے، جنہوں نے پہلے حادثے کا ذمہ دار واٹر ٹینکر کو بتایا تھا۔
دوسری جانب، تھانہ یوسف پلازہ میں ٹریفک حادثے کے حوالے سے مقدمہ درج کر لیا گیا ہے جس میں قتلِ خطاء کی دفعات شامل ہیں۔ پولیس نے ڈمپر ڈرائیور کو گرفتار کر لیا ہے۔ مدعی کے مطابق حادثے میں بھتیجی اور بھتیجا جاں بحق جبکہ بھائی زخمی ہوا ہے۔
پرنسپل اور خاتون ٹیچر کا افیئر بے نقاب، دونوں کی شادیاں ختم
دہلی بنے گا خالصتان، 17 اگست کو امریکا میں ریفرنڈم ہوگا، گرپتونت سنگھ پنوں
ترکی میں 6.1 شدت کا زلزلہ، 11 صوبوں میں جھٹکے محسوس
