دنیا کےغلیظ ترین شخص کی ہلاکت،وجہ کیا بنی؟

’دنیا کا سب سےغلیظ شخص 50 سال بعد غسل لینے پر بیمار ہو کر مر گیا-

باغی ٹی وی : برطانوی خبر رساں ادارے”بی بی سی” کے مطابق امو حاجی نامی جوگی ایران کے جنوبی صوبہ فارس کے ایک دیہات کے رہائشی تھےانہوں نے تقریباً 50 سال تک صابن اور پانی کا استعما ل نہیں کیا کیونکہ ان کو ڈر تھا کہ وہ بیمار ہو جائیں گے، اورپھر کئی دہائیوں بعد پہلی بار نہانے کے چند ہی ماہ بعد ان کا 94 سال کی عمر میں انتقال ہو گیا۔

امریکا کی جانب سے تیل کے ایمرجنسی ذخائر استعمال کرنے پر سعودی عرب کا شدید ردعمل

امو حاجی کے گاؤں والوں نے ان کو غسل کی کافی ترغیب دی لیکن انہوں نے کبھی کسی کی بات پر عمل نہیں کیا 50 سال تک نہائے بغیر زندہ رہنے والے امو حاجی کو اس عادت کی وجہ سے میڈیا نے دنیا کا غلیظ ترین فرد قرار دینا شروع کر دیا-

ایران کی ارنا ایجنسی کے مطابق کچھ عرصہ قبل امو حاجی نے گاوں والوں کی بات مان لی اور غسل لے لیا تھا اس غسل کے بعد امو حاجی بیمار پڑ گئے اور گذشتہ اتوار ان کا انتقال ہو گیا۔

ارنا ایجنسی کے مطابق برسوں تک غسل کے بغیر رہنے کی وجہ سے ان کے جسم کی جلد پر پھوڑے بن چکے تھے ان کی خوراک گلے سڑے گوشت اور گندے پانی پر مشتمل تھی جس کو پینے کے لیے وہ ایک تیل کے استعمال شدہ پرانے ڈبے کا استعمال کرتے تھے۔

فوٹو بشکریہ: بی بی اردو

امو حاجی سگریٹ نوش تھے اور کئی بار ان کو ایک ہی وقت میں ایک سے زیادہ سگریٹ سلگائے ہوئے دیکھا گیا امو حاجی کا کہنا تھا کہ ان کو نہلانے یا صاف پانی پلانے کی پیشکش سے وہ اداس ہو جاتے تھے۔

2014 میں انہوں نے تہران ٹائمز کو انٹرویو بھی دیاجس میں انہوں نےبتایا کہ نوجوانی میں ان کو جذباتی ٹھیس پہنچی تھی جس کے بعد انہوں نے یہ غیر معمولی فیصلہ لیا تھا، یعنی غسل نہ لینے کا فیصلہ –

امو حاجی نے بتایا تھا کہ ان کو خارپشت کھانا پسند ہےوہ زمین میں کھودے ایک سوراخ میں رہتے تھےگاوں والوں نے پھر ان کے لیے ایک جھونپڑی بنا دی۔

طلاق آپ کا فیصلہ اور طریقہ کار ہم بتائیں گے،اشتہاری بینرز نے تیونس میں ہنگامہ کھڑا کر دیا