دنیا نیوز میں کرونا پھیل گیا۔ کتنے مریض سامنے آ گئے

باغی ٹی وی کی رپورٹ کے مطابق پاکستان میں کرونا وائرس کے مریضوں میں جہاں اضافہ ہو رہا ہے وہیں میڈیا ہاوسز میں بھی کرونا کے مریض بڑھ رہے ہیں

لاہور میں دنیا نیوز کے ہیڈ آفس میں کرونا کے مریضوں میں اضافہ ہوا ہے اب تک 34 ملازمین میں کرونا وائرس کی تشخیص ہو چکی ہے۔ دو روز جن ملازمین کے ٹیسٹ کروائے گئے تھے ان میں سے 13 کا ریزلٹ مثبت آیا جس کے بعد دنیا نیوز میں کرونا مریضوں کی تعداد 34 ہو گئی ہے

واضح رہے کہ اس سے قبل سٹی 42 میں حفاظتی اقدامات کے باوجود کرونا پھیل گیا تھا جس کے بعد ہیڈ آفس بند کر دیا گیا اور ملازمین کو گھروں سے کام کی ہدایت دے دی گئی ۔ اے آر وائی اسلام آباد بیورو اور قومی خبر رساں ادارے اے پی پی کے ملازمین میں کرونا کی تشخیص کے بعد دونوں کے دفاتر سیل کر دیئے گئے

اسلام آباد میں کرونا وائرس سے ایک سینئر صحافی کی موت بھی ہو چکی ہے جن کا تعلق اے پی پی سے تھا