عددی لحاظ سے بڑے دشمن کیخلاف کامیابی کیسے ملی، نیول چیف بول پڑے

پاکستان نیوی کے چیف ایڈمرل ظفرمحمود عباسی نے کہا ہے کہ پاک بحریہ پاکستان کی بحری سرحدوں کے دفاع کیلیے ہرلمحہ تیارہے.

باغی ٹی وی کی رپورٹ کے مطابق پاکستان نیوی کے ترجمان کا کہنا ہے کہ پاکستان نیوی وارکالج لاہورمیں 48 ویں پی این اسٹاف کورس کے کانووکیشن کا انعقاد کیا گیا، جس میں پاک بحریہ کے64، پاک آرمی کے3، پاک فضائیہ کے5 آفیسرزنےماسٹرزاِن واراسٹیڈیز کی ڈگریاں لیں ،ترجمان پاک نیوی کے مطابق گریجویٹنگ آفیسرزمیں 16دوست ممالک کے23 غیرملکی آفیسرزبھی شامل تھے، سربراہ پاک بحریہ نے گریجویٹنگ آفیسرز اورغیرملکی آفیسرزکو مبارکباد دی، اس موقع پر پاکستان نیوی کے چیف نے جیواسٹریٹیجک انوائرمنٹ اورخطے کی موجودہ صورتحال پربھی روشنی ڈالی،ایڈمرل ظفرمحمود عباسی نے خطاب کرتے ہوئے کہا کہ گریجویٹنگ آفیسرز راست رویے اور انتھک محنت کو اپنا شعار بنائیں،عددی لحاظ سے بڑے دشمن کیخلاف کامیابی اللہ پریقین کامل اورپختہ ایمان کےباعث ملی.