ہم سب آسمان میں ایک چاند دیکھنے کے عادی ہیں لیکن اب زمین کو ایک ننھا سا مہمان چاند ملا ہے جو اگلے دو ماہ تک ہمارے اصل چاند کا ساتھی بن کر رہے گا۔ اس نئے چاند کا نام 2024 PT5 ہے اور یہ ایک ڈبل ڈیکر بس کے برابر ہے۔
ماہرین کا کہنا ہے کہ یہ سیارچہ نظام شمسی میں خلائی چٹانوں کے ایک گروپ سے آیا ہے اور زمین کی کشش ثقل کی وجہ سے اس کے مدار میں آگیا ہے۔ یہ سیارچہ 29 ستمبر کو سورج کے مدار میں دیکھا جا سکتا ہے۔
یہ پہلی بار نہیں ہے کہ زمین کو کوئی عارضی چاند ملا ہو۔ ماضی میں بھی ایسے واقعات پیش آچکے ہیں لیکن یہ بہت کم ہوتے ہیں۔ سائنسدانوں کا کہنا ہے کہ یہ سیارچہ 2055 میں دوبارہ زمین کے مدار میں آ سکتا ہے۔
اس نئے چاند کی دریافت نے سائنسدانوں میں بہت دلچسپی پیدا کی ہے۔ وہ اس کا مشاہدہ کر کے نظام شمسی کے بارے میں مزید جاننے کی کوشش کریں گے۔
