الیکشن کمیشن اراکین کی تقرری، اجلاس کب ہو گا؟ کونسے نام زیر غور؟ اہم خبر
الیکشن کمیشن اراکین کی تقرری، اجلاس کب ہو گا؟ کونسے نام زیر غور؟ اہم خبر
باغی ٹی وی کی رپورٹ کے مطابق چیف الیکشن کمشنر اور الیکشن کمیشن کے ارکان کی تقرری کےحوالہ سے پارلیمانی کمیٹی کا اجلاس کل منگل کو پارلیمنٹ ہائوس میں ہوگا ،کمیٹی حکومت اور اپوزیشن کی جانب سے تقرری کیلئے دیئے گئے سندھ اور بلوچستان سے الیکشن کمیشن کے ارکان کے ناموں پر غور کرے گی۔
حکومت اور اپوززیشن نے الیکشن کمیشن کے ارکان کی تقرری کیلئے نام قومی اسمبلی کے سپیکر اسدقیصر اور سینیٹ کے چیئرمین محمد صادق سنجرانی کوبھجوا دیئے ہیں۔دونوں ایوانوں کے سربراہوں نے یہ نام غور کیلئے پارلیمانی کمیٹی کے پاس بھیج دیئے ہیں .
وزیراعظم عمران خان نے الیکشن کمیشن آف پاکستان کے سندھ اور بلوچستان کے ممبران کی تقرری کے لیے نام تجویز کر دیئے، عمران خان نے چیئرمین سینیٹ اور سپیکر کے خط کا جواب دے دیا۔وزیراعظم کی جانب سے تجویز کر دہ ناموں میں سندھ کے لیے جسٹس ریٹائرڈ صادق بھٹی، جسٹس ریٹائرڈ نور الحق قریشی اور عبدالجبار قریشی شامل ہیں جبکہ بلوچستان سے ڈاکٹر فیض کاکڑ، نوید جان بلوچ اور امان اللہ بلوچ کا نام تجویز کیا گیا ہے۔
قبل ازیں قومی اسمبلی میں قائد حزب اختلاف شہباز شریف نے سندھ اور بلوچستان سے الیکشن کمشن کے ارکان کی تقرری کے لئے 3، 3 نام خط کے جواب میں دیئے، شہباز شریف نے سندھ کے لئے نثار درانی، جسٹس (ر) عبدالرسول میمن اور اورنگزیب حق کے نام جبکہ بلوچستان سے شاہ محمود جتوئی، محمد روف عطاء اور راحیلہ درانی کے نام دئیے.
غیر ملکی فنڈنگ کیس میں تحریک انصاف کو ملی عدالت سے ملی بڑی کامیابی
فارن فنڈنگ کیس، مریم اورنگزیب نے الیکشن کمیشن سے بڑا مطالبہ کر دیا
فارن فنڈنگ کیس،الیکشن کمیشن نے سنایا بڑا فیصلہ
تحریک انصاف اپنی مرضی کے نتائج حاصل کرنا چاہتی ہے، ایسا کس نے کہہ دیا
الیکشن کمیشن ارکان کی تقرری کے معاملے میں اہم پیشرفت ہوئی ہے، حکومت کی جانب سے مقررکیے گئے ارکان کا فیصلہ مسترد ہو چکا جس کے بعد ارکان کی تقرری کیلئے حکومت اوراپوزیشن سے نئے نام مانگے تھے ،چیئرمین سینیٹ اور اسپیکر قومی اسمبلی نے وزیراعظم عمران خان اور قومی اسمبلی میں قائد حزب اختلاف شہبازشریف کوخط لکھا تھا، چیئرمین سینیٹ صادق سنجرانی اوراسپیکر قومی اسمبلی اسد قیصر نے ارکان کے لئے نئے نام مانگ لیے، خط میں 2ارکان کی تقرری کیلئے 3،3نام دینےکی درخواست کی گئی تھی،
Leave a reply
