خیبرپختونخوا میں سینیٹ انتخابات،الیکشن کمیشن کو 60 دن میں فیصلے کا حکم

پشاور ہائیکورٹ نے خیبرپختونخوا میں سینیٹ انتخابات کرانے سے متعلق کیس کا تحریری فیصلہ جاری کر دیا ہے، جس میں عدالت نے درخواست نمٹا دی۔

عدالت کے تحریری فیصلے میں کہا گیا ہے کہ سینیٹ انتخابات کرانے کا معاملہ الیکشن کمیشن آف پاکستان کو بھیج دیا گیا ہے تاکہ وہ اس پر فیصلہ کرے۔ حکمنامے میں یہ بھی کہا گیا ہے کہ اسپیشل سیکرٹری لاء اور الیکشن کمیشن نے اس بات کا کوئی تسلی بخش جواب نہیں دیا کہ انتخابات کیوں نہیں کرائے جا رہے ہیں۔عدالت نے الیکشن کمیشن کو حکم دیا کہ وہ 60 دنوں کے اندر خیبرپختونخوا میں سینیٹ انتخابات کے انعقاد سے متعلق فیصلہ کرے اور اس بارے میں تمام ضروری اقدامات کرے۔

اس فیصلے کے بعد اب الیکشن کمیشن پر دباؤ ہے کہ وہ جلدی اور مؤثر طریقے سے اس معاملے کا حل نکالے تاکہ صوبے میں انتخابات کے حوالے سے پیدا شدہ ابہام ختم ہو سکے۔

کیا شہباز شریف 5 سال وزیر اعظم رہ پائیں گے؟ بلاول سے صحافی کا سوال

انسانی سمگلنگ میں ملوث بدنام زمانہ چنیوٹی گینگ کا اہم سرغنہ گرفتار