مانسہرہ: مسلم لیگ ن کے قائد نواز شریف کی درخواست پر الیکشن کمیشن نے آر او کو این اے 15 کا حتمی نتیجہ جاری کرنے سے روک دیا۔
باغی ٹی وی: این اے 15کانتیجہ روکنےکے خلاف پی ٹی آئی کا دھرنا دوسرے روز بھی جاری ہے پی ٹی آئی کے حمایت یافتہ آزاد امیدوار گشتاسپ خان کا کہنا ہےکہ آج ہمیں نتائج دینے کا کہا گیا تھا مگر آر او پھر غائب ہے،نواز شریف کا داماد صفدر اعوان اپنی شکست مٹانے کے لیے آر او پر دباؤ ڈال رہاہے۔
علاوہ ازیں الیکشن کمیشن نے این اے 46 اٹک ،این اے47 اور این اے 48 اسلام آباد کے ریٹرننگ افسروں کو بھی حتمی نوٹی فکیشن کے اجرا سے روک دیا، این اے47 کا نتیجہ شعیب شاہین اور این اے 48 کا نتیجہ علی بخاری نے چیلنج کیا۔
نریندر مودی بدھ کو یو اے ای میں پہلے مندر کا افتتاح کریں گے
دوسری جانب جمعیت علمائے اسلام کے رہنما مفتی کفایت اللہ کا کہنا ہے کہ نواز شریف بڑے پن کا مظاہرہ کرتے ہوئے این اے 15 مانسہرہ پر اپنی شکست تسلیم کریں این اے 15 مانسہرہ میں کہیں سےدھاندلی کی شکایت نہیں ملی، وہ خود بھی امیدوار تھے اور سارے حلقے میں ان کے ایجنٹ موجود تھے این اے 15سے وہ خود اور نواز شریف ہارگئے ہیں نواز شریف جس بنیاد پر عدالت جا رہے ہیں وہ بہت کمزور ہے-
