وفاقی بیوروکریسی میں اعلیٰ سطح پر تقرر و تبادلے

اسلام آباد: وفاقی بیوروکریسی میں اعلیٰ سطح پر تقرر و تبادلے کیے گئے ہیں-

باغی ٹی وی: اس حوالے سے جاری نوٹیفکیشن کے مطابق وفاقی سیکرٹری انفارمیشن ٹیکنالوجی ڈویژن پا کستان ایڈ منسٹر یٹو سروس کے گر یڈ22 کے افسر حسن ناصر جامی کو تبدیل کرکے سیکرٹری قومی ورثہ و ثقافت ڈویژن تعینات کیا گیا ہے۔

پاکستان ایڈ منسٹریٹو سروس کے گریڈ21کے او ایس ڈی سابق کمشنر راولپنڈی کیپٹن (ر)محمد محمود کوایڈیشنل سیکرٹری انچارج انفارمیشن ٹیکنالوجی ڈویژن تعینات کیا گیا ہے جبکہ سیکرٹری قومی ورثہ وثقافت ڈویژن پاکستان ایڈ منسٹریٹو سروس کی گر یڈ21کی افسر حمیرا احمد کو تبدیل کرکےسیکرٹری پارلیمانی امور ڈویژن تعینات کیا گیا ہے۔ٕ

جوا ئنٹ سیکر ٹری وزارت قومی صحت سیکر ٹریٹ گروپ کے گریڈ20 کے افسر ڈاکٹر شفیع الر حمنٰ آ فریدی کو تبدیل کرکے اسٹیبلشمنٹ ڈویژن رپورٹ کرنے کی ہدایت کی گئی ہےسیکشن افسر ایم ایس ونگ اسٹیبلشمنٹ ڈویژن مس عصمت عباس کوڈیپوٹیشن پر نیشنل سکول آف پبلک پالیسی لاہور میں تعینات کیا گیا ہے انکی تقرری ویڈ لاک پالیسی کے تحت 2 سال 8ماہ کیلئے کی گئی ہے۔