عید الاضحیٰ کا چاند، فواد چوہدری ایک بار پھر سچے ثابت

لاہور: وفاقی وزیر سائنس و ٹیکنالوجی فواد چوہدری ایک بار پھر سب پر بازی لے گئے. پاکستان میں ذوالحج کا چاند نظر آگیا، عید 12 اگست بروز پیرکو منائی جائے گی.

تفصیلات کے مطابق فواد چوہدری نے آج سے 2 ماہ پہلے ہی بتادیا تھا کہ عید 12 اگست بروز پیر کو منائی جائے گی لیکن وہ لوگ جو فواد چوہدری پر کفر کا فتویٰ لگا رہے تھے آج انہی لوگوں نے باقاعدہ اعلان کرتے ہوئے عید 12 اگست کو منانے کا اعلان کردیا ہے. میڈیا رپورٹس کے مطابق رویت حلال کمیٹی کا اجلاس کراچی میں منعقد کیا گیا اس حوالے سے لاہور، نواب شاہ، چھاچھڑو، سوات، کوئٹہ، ژوب اور دیگر مقامات سے چاند نظر آنے کے شواہد موصول ہوئے. اس کے علاوہ چھاچھرو، بدین، عمر کوٹ سمیت مختلف جگہوں سے بھی چاند کی شہادتیں موصول ہوئیں۔ جبکہ سعودی عرب میں عید 11 اگست بروز اتوار کو منائی جائے گی.
یاد رہے کہ فواد چوہدری نے سائنس کی مدد سے چاند دیکھنے اور اگلے 5 سال کا قمری کیلنڈر بنانے کا اعلان کیا تھا، اور اب ان کی تمام باتیں سچ ثابت ہورہی ہیں.