عید کے روز جائیداد تنازعہ پر گولیاں چل گئیں، چھ افراد زخمی
باغی ٹی وی کی رپورٹ کے مطابق عید کے دوسرے روز قبائلی ضلع مہمند میں جائیداد کے تنازعہ پر گولیاں چل گئیں
جائیداد تنازعہ پر دو فریقین کے درمیان فائرنگ ہوئی، ضلع مہمند تحصیل صافی کے علاقہ خاخ بازار کے قریب والی کور میں دوفریقین کے درمیان فائرنگ ہوئی، فائرنگ کے نتیجے میں چھ افراد شدید زخمی ہو گئے، اطلاع پر پولیس کی بھاری نفری اور ریسکیو 1122 کی ٹیمیں موقع پر پہنچ گئیں
ریسکیو 1122 کی جانب سے جاری اعلامیہ کے مطابق ابتدائی اطلاع کے مطابق دونوں فریقین کے درمیاں پہلے سے جائیداد تنازعہ تھا،کنٹرول روم مہمند کو اطلاع ملتے ہی ریسکیو 1122 میڈیکل ٹیم موقع پر پہنچ گئی،ریسکیو 1122 میڈیکل ٹیم نے زخمیوں کو موقع پر ابتدائی طبی امداد فراہم کرتے ہوے ڈسٹرکٹ ہسپتال منتقل کردیا زخمیوں میں دو افراد کی حالت تشویشناک ہے ۔ چار زخمیوں کا تعلق ایک ہی خاندان سے ہیں ۔
زخمیوں میں 1) اکبر جان ولد محمّد جان،2) ناموس خان ولد محمّد جان،3) سلیمان خان ولد اکبر جان ،4) گل جان ولد اکبر جان ،5) غلام نبی ولد حضرت گل ، حضرت اسلام ولد حضرت گل شامل ہیں، پولیس انتظامیہ واقعہ کی تفتیش میں مصروف ہیں