خانقاہ ڈوگراں : چوہدری صباحت الطاف چیمہ دوسری مرتبہ پاکستان تحریک انصاف کا ضلعی نائب صدر منتخب

باغی ٹی وی ،خانقاہ ڈوگراں (علی رضا رانجھا)چوہدری صباحت الطاف چیمہ کو صوبائی قیادت نے دوسری مرتبہ پاکستان تحریک انصاف کا ضلعی نائب صدر منتخب کر لیا۔صباحت الطاف چیمہ اس سے پہلے بھی متعدد عہدوں پر فائز رہ چکے ہیں۔اہل علاقہ کی مبارکباد ۔
تفصیلات کے مطابق خانقاہ ڈوگراں کے نواحی گاؤں میاں علی کے نوجوان سیاستدان چوہدری صباحت الطاف چیمہ کو انکی جماعت کے لئے دن رات محنت کو دیکھ کرضلعی صدر شیخوپورہ تحریک انصاف کنور عمران اورصدر سنٹرل پنجاب ڈاکٹر یاسمین راشد نے دوسری مرتبہ ضلعی نائب صدر منتخب کر لیا ہے۔چوہدری صباحت الطاف چیمہ نےضلعی نائب صدر منتخب ہونےپر پی ٹی آئی کی قیادت سمیت آصف منظور ورک ضلعی جنرل سیکرٹری اور مشیر وزیر اعلیٰ پنجاب رانا ولید مجاہد۔ رانا زاہد محمود ایڈووکیٹ PTI سینئر رہنما کا شکریہ ادا کیا ہے انکا کہنا ہے کہ پاکستان بننے سے لیکر آج تک میرے دادا سمیت آباو اجداد نے علاقہ کی خدمت کی ہے۔میرےتایاچوہدری عاشق حسین چیمہ 1985 میں چیئرمین بنے ۔میرے والد چوہدری الطاف حسین چیمہ 1988 میں صوبائی اسمبلی پھر 2015 میں چئیرمین یونین کونسل رہ چکے ہیں۔انکا مزید کہنا تھا کی میں نے سیاست کا آغاز بہت ہی کم عمر میں کیا ہے۔اس سے پہلے تحصیل صدر. سینئر نائب صدر لاہور ڈویژن پھر صدر لاہور ڈویژن. ڈسٹرکٹ نائب صدر PTI. ڈپٹی جنرل سیکرٹری سمیت کئی اہم عہدوں پر فائز رہ چکا ہوں۔ پارٹی کی خدمت کے لیے کوئی کسر نہیں چھوڑں گا