الیکشن لاہور پریس کلب،مبشر لقمان نے دی رانا عظیم اور ارشد انصاری کو مبارکباد،ساتھ کیا کہا؟ اہم خبر
باغی ٹی وی کی رپورٹ کے مطابق لاہور پریس کلب کے سالانہ الیکشن میں سینئر صحافی رانا محمد عظیم اور ارشد انصاری کا پینل جیتنے پر سینئر صحافی و اینکر پرسن مبشر لقمان نے انہیں مبارکباد دیتے ہوئے اپنے ویڈیو پیغام میں کہا ہے کہ ابھی ابھی رپورٹ ملی ہے کہ رانا عظیم اور ارشد انصاری کا پینل بھاری اکثریت سے لاہور پریس کلب کا الیکشن جیتے ہیں،جو جیتے ہیں بہت بہت مبارکباد ہو، آنے والے دنوں میں میڈیا کے دیگر شعبوں کو بھی پریس کلب کے ساتھ لے کر چلیں گے، صحافیوں کا بہت استحصال ہو رہا ہے، تنخواہیں نہیں دی جاتیں جب تنخواہ مانگتے ہیں تو ایسے لگتا ہے کہ بھیک مانگ رہے ہوں، ڈی ایس این جیز آپریٹر کے حقوق کے لئے کام کرنے والوں کے حقوق کے لئے بھی کام کرنا ہو گا،بغیر وجہ سے نوکریوں سے صحافیوں کو نکالا جاتا ہے،
مبشر لقمان کا مزید کہنا تھا کہ ڈی ایس این جیز آپریٹر، ٹیکنیشن، انجینئرز،رپورٹنگ کا بڑا اہم حصہ ہیں، ان کو نظر انداز نہیں کرنا چاہئے، دس سال جیتنے کا مطلب ارشد انصاری پر لوگوں کا اندھا اعتماد ہے،امید ہے اس سال صحافیوں کا نہ صرف خیال رکھا جائے گا بلکہ اس سال مزید بہتری لائیں گے.
مبشر لقمان نے لاہور پریس کلب کے الیکشن میں حصہ لینے والوں اور ہارنے والوں کو بھی مبارکباد دیتے ہوئے کہا کہ ان لوگوں کو بھی جو الیکشن میں کامیاب نہیں ہوئے ان کو بھی مبارکباد دیتا ہوں وہ الیکشن میں کھڑے ہوئے اورحصہ لیا، آئندہ وہ بھی جیت سکتے ہیں.یہ عمل جاری رہے گا، آج کے دن تمام جیتنے والوں اور الیکشن میں حصہ لینے والوں کو مبارکباد دیتا ہوں.
واضح رہے کہ لاہور پریس کلب کے الیکشن میں صدر اور سیکرٹری کی نشست پر ارشد انصاری کا گروپ جرنلسٹ پینل جیت چکا ہے ،گورننگ باڈی پر بھی ان کے امیدوار جیتے ہیں، جرنلسٹ پینل اور پروگریسو لورز کا آپس میں اتحا د تھا، سینئر صحافی و اینکر پرسن مبشرلقمان نے الیکشن سے قبل ان کی بھر پور سپورٹ کا اعلان کیا تھا .
