اسلام آباد:الیکشن مقررہ وقت پرہی ہوں گے۔اطلاعات کے مطابق وفاقی وزیراطلاعات مریم اورنگزیب نے پریس کانفرنس کرتے ہوئے کہا ہے کہ عمران خان کو شہبازشریف کی کارکردگی سے ڈرلگ رہا ہے، الیکشن مقررہ وقت پرہی ہوں گے۔
انہوں نے کہا کہ شہزاد اکبر نیب کو گرفتاری اور کیسز کیلئے ڈائریکشن دیتے تھے، نیب،ایف آئی اے کو مخالفین کے خلاف استعمال کیا گیا، 4سال بعد ایک بھی الزام ثابت نہیں ہوا۔
مریم اورنگزیب نے کہا ہے کہ عمران خان اب دوبارہ کنٹینر پر چڑھ گئے ہیں، بند بجلی کارخانوں کی مرمت کا کام جاری ہے، گزشتہ حکومت کی نااہلی سے بجلی کے کارخانے بند ہوئے۔
وفاقی وزیراطلاعات نے کہا کہ وزیراعظم نے یکم مئی سے لوڈشیڈنگ نہ کرنے کی ہدایت کی، وزیرداخلہ پورے سندھ کا دورہ کریں گے، پاور ڈویژن سے متعلق کابینہ کو تفصیلی بریفنگ دی، وزیراعظم نے پاورسیکٹرمیں ترجیحی بنیادوں پراصلاحات کی ہدایت کی۔
انہوں نے کہا کہ بند بجلی گھروں کوبھی بحال کرنے کیلئے اقدامات کی ہدایت کی، چینی سفارتخانے کو یقین دہانی کرائی تحقیقات جلد مکمل ہونگی، گزشتہ حکومت کے بنائے گئے قوانین کا جائزہ لیا گیا۔
مریم اورنگزیب نے کہا کہ عاصم احمد کو چیئرمین ایف بی آرتعینات کرنے کی منظوری دیدی، وزیراعظم نے نیشنل ایکشن پلان کا دوبارہ جائزہ لینے کی ہدایت کی، کابینہ اجلاس میں امن و امان کی صورتحال کا جائزہ لیا گیا۔
وفاقی وزیراطلاعات نے کہا کہ کراچی واقعے کی تحقیقات کا آغاز ہوچکا، چینی شہریوں کی فول پروف سیکیورٹی یقینی بنا رہے ہیں۔
کراچی دھماکا، خاتون خود کش بمبار نے کیا، کالعدم تنظیم نے ذمہ داری قبول کر لی
چینی باشندوں کی جان لینے والوں کو پھانسی کے پھندے پر لٹکائیں گے،
کراچی یونیورسٹی میں ایک خاتون کا خودکش حملہ:کئی سوالات چھوڑگیا،
جامعہ کراچی: خودکش حملہ آور خاتون کون تھی؟ اہم انکشافات سامنے آگئے،
کراچی یونیورسٹی میں گزشتہ روز ہونے والے بم دھماکے کی تحقیقات کے لئے ٹیم تشکیل
