واشنگٹن: ایلون مسک 14ویں بچے کے باپ بن گئے۔
باغی ٹی وی : غیر ملکی میڈیا رپورٹ کے مطابق ایلون مسک کی پارٹنر اور نیورلنک کی ایگزیکٹو شیون زیلیس نے اپنے چوتھے بچے کی پیدا ئش کی تصدیق کی ہےاور اپنے چوتھے بچے کا نام سیلڈن لائکر گس بتایا یہ اعلان انہوں نے اپنے تیسرے بچے آرکیڈیا کی پہلی سالگرہ مناتے ہوئے ایکس پر کیا،انہوں نے اپنی پوسٹ میں نومولود کو "جگنارٹ جیسی مضبوط جسامت کا حامل اور سونے جیسے دل والا” قرار دیا جس پر ایلون مسک نے دل کے ایموجی کے ساتھ ردعمل دیا۔
ایلون مسک اور شیون زیلیس کے چار بچے ہیں جن میں پہلے بچے جڑواں ہیں جن کے نام اسٹرائیڈر اور ایزور، تیسرا آرکیڈیا اور اب سیلڈ ن دنیا میں آیا ہے،سیلڈن نام غالباً ہیری سیلڈن سے متاثر ہے، جو آئزک عاصموف کی فاؤنڈیشن سیریز کا ایک فکشنل کردار ہے۔
مولانا حامد الحق کی جگہ ان کے بھائی نائب مہتمم مقرر
سیلڈن ایک ریاضی دان اور بصیرت والا تھا جس نے معاشرے کے مستقبل کی پیشگوئیاں اور اثر انداز ہونے کا ایک طریقہ ”سائیکو ہسٹری“ تخلیق کیا تھا،چونکہ ایلون مسک سائنس فکشن اور ٹیکنالوجی سے محبت کے لیے جانے جاتے ہیں، ممکن ہے کہ اس لیے یہ نام تجویز کیا گیا ہو۔
اس سے قبل قدامت پسند کمنٹیٹر ایشلے سینٹ کلیئر نے 5 ماہ قبل ایلون مسک کے 13 ویں بچے کو جنم دیا تھا اطلاعات کے مطابق سینٹ کلیئر نے مسک کے خلاف پدرانہ حقوق کا مقدمہ بھی دائر کیا ہے۔
کرد عسکریت پسند تنظیم کا ترکی کیساتھ 40 سالہ جنگ بندی کا اعلان
