بین الاقوامیتازہ ترین

انٹرنیٹ کے بارے ایلون مسک کی ماضی میں کی گئی پیشگوئی درست ثابت

3 سال قبل
3 سال قبل

ٹیسلا اور اسپیس ایکس کے بانی اور ٹوئتر کے نئے مالک ایلون مسک کا ماضی میں دیا گیا ایک انٹرویو کلپ وائرل ہورہا ہے جس میں انہوں نے انٹرنیٹ سے متعلق پیشگوئی کی تھی جو سچ ثابت ہوئی-

باغی ٹی وی : ایلون مسک کی مذکورہ ویڈیو ٹیسلا اونرز سیلیکون ویلی کے ٹوئٹر اکاؤنٹ سے جاری کی گئی جس پر درج تھا کہ ماضی میں ایلون مسک انٹرنیٹ سے متعلق بتارہے ہیں، انہوں نے کہا کہ انٹرنیٹ تمام میڈیا کا ایک سیٹ ہے۔


ویڈیو میں مسک بتارہے ہیں کہ کس طرح مستقبل میں انٹرنیٹ دنیا پر راج کرے گا اور اس میں رابطے کے دیگر طریقے ضم ہوجائیں گے، یعنی ایک انٹرنیٹ کے ذریعے ہی لوگ رابطہ قائم کریں گے۔

ویڈیو میں ایلون کہہ رہے ہیں کہ مستقبل قریب میں ہم دیکھیں گے کہ پرنٹ، براڈکاسٹ، ریڈیو سمیت بنیادی طور پر تمام میڈیا انٹرنیٹ کے اندر آجائے گا انٹرنیٹ لوگوں کو یہ سہولت فراہم کرتا ہے کہ وہ جو چاہیں دیکھ سکیں، میرے خیال میں مستقبل یہ تمام روایتی میڈیا میں انقلاب برپا کر دے گا’۔

ایلون مسک کی اس ویڈیو پرجہاں ہزاروں صارفین ردعمل دیا، وہیں مسک نے خود اس پوسٹ پر تبصرہ کیا اور پرانے انٹرویو کے وائرل ہونے پر حیرانی کا اظہار کیا۔


انہوں نے ویڈیو پر سوال کیا کہ یہ کب کی ویڈیو ہے، جس پر ٹیسلا اونرز سیلیکون ویلی کے اکاؤنٹ سے جواب دیا گیا ‘1998’۔

واضح رہے کہ گزرے برسوں میں مستقبل کے بارے میں متعدد پیشگوئیاں بھی کی ہیں جن میں سے کچھ تو حیران کن حد تک درست ثابت ہوئیں جبکہ کچھ وقت کی دھول میں گم ہوگئیں،2014 میں ایلون مسک نے اے آئی ٹیکنالوجی کو انسانیت کے لیے لاحق سب سے بڑا خطرہ قرار دیا تھا،ان کی پیشگوئی تھی کہ یہ ٹیکنالوجی مستقبل میں جوہری ہتھیاروں سے بھی زیادہ جان لیوا ثابت ہوگی۔

ایلون مسک نے 2016 میں پیشگوئی کی تھی کہ ایسا وقت جلد آئے گا جب امریکا میں کسی بھی جگہ لوگ گاڑیوں کو بلا سکیں گے یا یوں کہہ لیں کہ ان کے اردگرد ہمیشہ ایک گاڑی موجود ہوگی، 2016 میں ہی ایلون مسک نے یہ پیشگوئی بھی کی تھی کہ خام ایندھن کا استعمال بتدریج کم ہوتا جائے گا اور 2040 کی دہائی سے صرف الیکٹرک گاڑیوں کا راج ہوگا۔

ایلون مسک نے 2016 میں ایک کانفرنس کے دوران کہا تھا کہ انسان حقیقی دنیا کی بجائے کسی simulation یا ورچوئل دنیا میں رہ رہے ہیں مگر انہوں نے وضاحت نہیں کی کہ یہ نتیجہ انہوں نے کیسے نکالا۔

ایلون مسک نے 2021 میں ایک ٹوئٹ میں پیشگوئی کی تھی کہ ٹیسلا بتدریج ایپل سے بھی زیادہ بڑی کمپنی بن جائے گی اور بظاہر ایسا ہوتا نظر بھی آ رہا ہے ایلون مسک نے 2021 میں ایک کانفرنس کے دوران پیشگوئی کی تھی کہ کرپٹو کرنسی کو ختم کرنا ممکن نہیں اور یہ ہمارے ساتھ رہنے والی ہے۔

2022 میں ایک انٹرویو کے دوران انہوں نے کہا کہ انسانیت 2030 کے قریب اے آئی ٹیکنالوجی کے خطرات کو دیکھے گی۔

نیورالنک ایلون مسک کا ایک بہت بڑا پراجیکٹ ہےاس پراجیکٹ کے تحت ایسی کمپیوٹر میموری چپ پر کام کیا جا رہا ہے جو لوگوں کے دماغ میں نصب کی جائے گی جس کی مدد سے وہ اپنی یادداشت تصاویر کی طرح کمپیوٹر میں محفوظ کرسکیں گے۔

اس بارے میں ایلون مسک کی پیشگوئی ہے کہ اس کمپیوٹر چپ سے انسانوں کے لیے ٹیلی پیتھی یا خیال خوانی ممکن ہوجائے گی جبکہ معذور افراد ایک بار پھر چل سکیں گے۔

ایلون مسک نے یہ پیشگوئی بھی کی ہوئی ہے کہ آنے والے برسوں میں خلائی سیاحت عام ہو جائے گی اور یہ کہنے کی ضرورت نہیں کہ اس میں سب سے بڑا ہاتھ ان کی کمپنی اسپیس ایکس کا ہی ہوگا جو 2023 میں ایک جاپانی ارب پتی کو چاند پر بھیجنے کی منصوبہ بندی کر رہی ہے۔

ایلون مسک نے کچھ سال پہلے پیشگوئی کی تھی کہ 2025 تک انسان مریخ پر پہنچ جائیں گے، مگر فروری 2023 میں انہوں نے کہا کہ ایسا ایک دہائی کے اندر (یعنی 2033 تک یا اس سے پہلے) ممکن ہوگاایلون مسک کی یہ پیشگوئی بھی ہے کہ 2060 تک سرخ سیارے کی سطح پر 10 لاکھ انسان موجود ہوں گے۔

دوسری جانب حال ہی میں دبئی میں ایک ایونٹ سے آن لائن خطاب کے دوران ایلون مسک نے آرٹی فیشل انٹیلی جنس (اے آئی) ٹیکنالوجی کو انسانیت کے لیے سب سے بڑے خطرات میں سے ایک قرار دے دیا کہا کہ چیٹ جی پی ٹی سے ثابت ہوتا ہے کہ اے آئی ٹیکنالوجی بہت زیادہ ایڈوانس ہوچکی ہے اور اس پر ہمیں فکرمند ہونا چاہیے۔

انہوں نے کہا کہ مستقبل کے انسانوں کے لیے اے آئی چند بڑے خطرات میں سے ایک ہے اے آئی ٹیکنالوجی یقیناً اچھی پیشرفت ہے جس سے مستقبل میں مواقع پیدا ہوں گے مگر اس کے ساتھ ساتھ یہ ایک بہت بڑا خطرہ بھی ہے۔

ایلون مسک نے کہا کہ اے آئی ٹیکنالوجی پہلے ہی کافی پیشرفت کرچکی تھی مگر اس تک عام افراد کو رسائی حاصل نہیں تھی مگر چیٹ جی پی ٹی سے بیشتر افراد کو اس ٹیکنالوجی کو استعمال کرنے موقع ملا ہے۔

ان کا کہنا تھا کہ گاڑیوں، طیاروں اور ادویات کی تیاری میں حفاظتی اصولوں پر عمل کرنا ہوتا ہے مگر اے آئی ٹیکنالوجی کے لیے ابھی کوئی اصول و ضوابط موجود نہیں قوانین سے اے آئی ٹیکنالوجی کی پیشرفت کو کچھ سست کیا جا سکتا ہے جو میرے خیال میں ایک اچھی چیز ہے-

دلچسپ بات یہ ہے کہ ایلون مسک اوپن اے آئی نامی کمپنی کے شریک بانی ہیں جس نے چیٹ جی پی ٹی کو تیار کیا البتہ ایلون مسک نے 2018 میں اس کمپنی سے علیحدگی اختیار کرلی تھی،جبکہ ایلون مسک عرصے سے انتباہ کر رہے ہیں کہ اے آئی ٹیکنالوجی کی بلا روک ٹوک تیاری انسانیت کے خاتمے کا باعث بن سکتی ہے۔

ٹیگز:
Shares:

مزید خبریں