ایلون مسک نے پرفیوم متعارف کرادیا

ٹیکساس: ارب پتی ایلون مسک نے اپنی ٹیسلا اور اسپیس ایکس کمپنیوں کے علاوہ ایک نئے کاروباری منصوبے کا اعلان کیا ہے۔

باغی ٹی وی : دنیا کے امیر ترین افراد میں شامل ایلون مسک نے نئی پرفیوم متعارف کردی ہے پرفیوم ان کے اپنے نام سے لانچ کی گئی ہے،اس بات کی اطلاع ایلون مسک نے سماجی رابطوں کی ویب سائٹ ’ٹوئٹر‘ پر دی ہے۔

With a name like mine, getting into the fragrance business was inevitable – why did I even fight it for so long!?

— Elon Musk (@elonmusk) October 11, 2022

ایلون مسک نے اس ضمن میں اپنے ٹویٹر بیان میں کہا ہے کہ میرے نام کا آخری حصہ خوشبو سے متعلق ہے مگر اس کے باوجود مجھے اس کاروبار میں آنے میں اتنا لمبا عرصہ لگ گیا۔ متعارف کرائے جانے والے پرفیوم کا نام برنٹ ہیئر رکھا گیا ہے۔

The finest fragrance on Earth!https://t.co/ohjWxNX5ZC pic.twitter.com/0J1lmREOBS

— Elon Musk (@elonmusk) October 11, 2022

ایلون مسک نے پرفیموم کی قیمت 100 ڈالر مقرر کی ہے اور ساتھ ہی یہ بھی بتایا ہے کہ اب تک 1000 کی تعداد میں پرفیوم فروخت بھی ہو چکے ہیں۔

Please buy my perfume, so I can buy Twitter

— Elon Musk (@elonmusk) October 12, 2022

ایلون مسک نے صارفین سے اپیل کی کہ براہ کرم میرا پرفیوم خریدیں، تاکہ میں ٹوئٹر خرید سکوں-

Coming soon from The @BoringCompany pic.twitter.com/cNIbFRRXyt

— Elon Musk (@elonmusk) October 9, 2022

دنیا کے امیر ترین شخص نے ماہ ستمبر میں ایک ٹویٹ میں کہا تھا ‘ بورنگ کمپنی ایک پرفیوم متعارف کرائے گی۔ جو مردوں کو ہجوم میں کھڑے رہنے میں مدد دے گا۔ ‘ اب منگل کے روز اپنے ٹویٹ میں کہا میرے جیسا نام ہوتے ہوئے خوشبو کے اس کاروبار سے دور رہنما مشکل تھا۔