ٹوئٹر اور ٹیسلا کے مالک ایلون مسک نے امیر ترین شخص کا اعزاز دوبارہ حاصل کر لیا ہے۔
باغی ٹی وی: بلوم برگ کے مطابق ایلون مسک امیر ترین افراد کی فہرست میں 2 ماہ تک دوسرے نمبر پر رہے جب کہ اب وہ ایک مرتبہ پھر امیر ترین افراد کی فہرست میں پہلے نمبر پر آگئے۔
بلومبرگ کے مطابق پیر کے روز مارکیٹ بند ہونے تک مسک کی مجموعی دولت کی مالیت تقریباً 187.1 بلین ڈالر تھی جب کہ برنارڈ آرنلٹ 185.3 بلین ڈالر کے مالک ہیں-
رپورٹ کے مطابق ٹیسلا کے شیئرز کی قیمتیں بڑھنے سے مسک کی دولت میں کئی گنا اضافہ ہوا ہے، ٹیسلا کے اسٹاک جنوری سے بڑھ رہے ہیں اور پیر کو یہ 207.63 ڈالرز پر بند ہوئے۔
اس سے قبل ایلون مسک کی جگہ فرانس سے تعلق رکھنے والے برنارڈ آرنلٹ کو دنیا کا امیر ترین شخص قرار دیا گیا تھا۔
جبکہ ٹیسلا (TSLA) اسٹاک میں گزشتہ سال تیزی سے کمی واقع ہوئی جس میں مسک کے ٹویٹر کے حصول اور ٹیک میں وسیع مارکیٹ مندی کے درمیان، الیکٹرک گاڑی بنانے والی کمپنی کے حصص میں 2023 کے بعد سے اضافہ ہوا ہے۔
ایلون مسک ستمبر 2021 سے فوربز جبکہ جنوری 2021 سے بلومبرگ کی فہرست میں دنیا کے امیر ترین شخص کا اعزاز اپنے نام کیے ہوئے تھے۔
خیال رہے کہ نومبر 2021 میں ایلون مسک کے اثاثے 340 ارب ڈالرز تک پہنچ گئے تھے مگر ایک سال سے زائد عرصے کے دوران ان کی دولت میں 58 فیصد تک کمی آئی ہے ایلون مسک کی دولت میں 2022 کے دوران 100 ارب ڈالرز سے زیادہ کی کمی آئی جس کی وجہ ٹیسلا کے حصص کی قیمتوں میں نمایاں کمی آنا ہے۔
اسی طرح ٹوئٹر کی 44 ارب ڈالرز سے خریداری سے بھی ان کے اثاثوں میں کمی آئی۔
