ایمرا کی اینکر مرید عباس کے قتل کی شدید مذمت

ایمرا کے صدر محمد آصف بٹ اور سیکرٹری سلیم شیخ و ایمرا باڈی کی جانب سے بول نیوز کے اینکر مرید عباس پر فائرنگ کی شدید مذمت کی گئی ہے.

باغی ٹی وی کی رپورٹ کے مطابق انہوں‌ نے کہاکہ ایمرا بول ٹی وی کے اینکر مرید عباس اور اب تک نیوز چینل کی اینکرپرسن زاہرہ عباس کے خاوند کی قاتلانہ حملہ میں جاں بحق ہونے کی شدید الفاظ میں مذمت کرتی ہے، موجودہ حکومت صحافیوں کو جان و مال کا تحفظ دینے میں ناکام ہوچکی ہے۔ ہم وزیر اعظم عمران خان اور متعلقہ اداروں سے بول نیوز کے اینکر مرید عباس کے قاتلوں کی گرفتاری کا مطالبہ کرتے ہیں ۔

صدر ایمرا آصف بٹ نے کہاکہ موجودہ حکومت کے دور میں صحافیوں پر حملہ بڑھتے جارہے ہیں ۔ جو کہ قابل تشویش ہیں ۔ ملک بھر میں صحافی برادری اینکر مرید عباس کے اہل خانہ کے ساتھ کھڑی ہے۔ اور اس کے قاتلوں کو منطقی انجام تک پہنچائے بغیر چین سے نہیں بیٹھے گے۔ ہم بول نیوز کے شہید اینکر مرید عباس کے اہل خانہ سے دلی ہمدردی اور اظہار تعزیت کرتے ہیں ۔ اللہ تعالی اینکر مرید عباس کے اہل خانہ کو صبر جمیل عطا فرمائے. آمین