اوچ شریف :گھریلو رنجش،نوجوان نے ہیڈ پنجند سے دریا میں چھلانگ لگا کر زندگی کا خاتمہ کرلیا

اوچ شریف باغی ٹی وی ( نامہ نگار حبیب خان) گھریلو رنجش پر نوجوان نے ہیڈ پنجند دریا میں چھلانگ لگا کر زندگی کا خاتمہ کردیا-
تفصیلات کے مطابق اوچ شریف کے نواحی علاقے ہیڈ پنجند کے رہائشی امتیاز احمد والد نیاز قوم لاشاری کی بیوی گھریلو ناچاکی پر روٹھ کر میکے چلی گئی

25 سالہ نوجوان محمد امتیاز نے اپنے والدین کو اپنی بیوی واپس لانے کا کہتا رہا جو کہ والدین نہیں مانے،گزشتہ روز دل برداشتہ ہو کر 25سالہ نوجوان محمد امتیاز نے دریائے ہیڈ پنجند میں چھلانگ لگا کر زندگی کا خاتمہ کر دیا مرحوم دو بچوں کا باپ تھا مرحوم کے دریائے ہیڈ پنجند میں ڈوب کر جاں بحق ہونے کی اطلاع پا کر والدین سمیت اہل وعیال غم سے نڈھال ہو گئے اور علاقہ سوگوار ہو گیا

نوجوان کی ڈیڈ باڈی ملنے کے بعد نماز جنازہ ادا کرکے آبائی قبرستان میں سپردِ خاک کر دیا گیا